Lua tosi o Sau 22:10 - Tosi Tapu

¹⁰ Ti na toe pati loa Safani, le sekalaipe, ki le sau : Kua soli mai e le tagata faisakilifisio ko Ilekisa kiate au se tosi. Ti na lau loa e Safani le tosi i mua o le sau.

Lua tosi o Sau 22:10 ပူးပေါင်းရင်းမြစ်များ

Lua tosi o Sau 22:11

I le logo loa a le sau ki folafola o le tosi o le lao, na sae loa e ia ona kofu.

Lua tosi o Sau 22:9

Ti na ano loa Safani, le sekalaipe, o fakamatala le nea lena ki le sau, o pati : Kua tanaki e au tagata fakasausau le paaga leia na maua i le fale o le Eteleno, ti kua lotou soli a ia kia latou ala e tokaga ki le fai o gaoi o le fale o le Eteleno.

Lua tosi o Koloniko 34:18

Na toe pati foki Safani, le sekalaipe, ki le sau : Kua soli mai foki e le tagata faisakilifisio ko Ilekisa kiate au se tosi, ti na lau loa e Safani le tosi i mua o le sau.

Neemia 13:1

I le temi lena, na lau loa le tosi a Moisese i mua o le kakai, ti na maua loa kua tosi i ai e leaise tonu ke ulu le kau Moape mo le kau Amone ki le fakatasiga o fanau a le Atua i se aso,

Neemia 8:18

Na lau loa i le tosi o le lao a le Atua i aso fuli, mei le uluaki aso o kaku ki le aso fakaoki o le fakatasi. Na fai loa le fakatasi i lolotoga o aso e fitu, ti na fai loa se fakatasi mamalu i le aso fakaoki, o mulimuli ki lona lekula.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 13:18

Pati ki le sau mo le fafine sau : Kolua tonatona ki le kele ! Talie kua vilo mei okoulua ulu Le pala fakasau leia na teu fakaaliki ia koulua.

Selemia 36:13

Ti na fakamatala loa e Mikea kia latou a folafola fuli ala na logo a ia ki ai, i le temi leia na lau ai e Paluke le tosi ki taliga o le kakai.

Selemia 36:15

Na lotou pati loa kiate ia : Nofo ki lalo, ti ke lau mai le tosi ke motou logo ki ai. Ti na lau loa e Paluke le tosi ki olatou taliga.

Selemia 36:21

Ti na kakau loa e le sau Seutese ke ano o aumai le tosi ; na too loa e Seutese le tosi mei le kogafale o Elisama, le sekalaipe, ti na lau loa e ia ki taliga o le sau mo pule fuli ala na nonofo i tafa o le sau.

Selemia 36:6

E ke ano loa, a koe totonu, ti e ke lau loa i le tosi leia kua ke tosi i laku sua a folafola a le Eteleno ki taliga o le kakai, i le fale o le Eteleno, i le aso o le sesunio ; ti e ke toe lau foki latou ki taliga o latou fuli o Suta, ala e au loa mei olatou kolo.