Lua tosi o Sau 21:7 - Tosi Tapu

⁷ Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Lua tosi o Sau 21:7 ပူးပေါင်းရင်းမြစ်များ

Lua tosi a Samuele 7:13

Ko ia leia ka fakatuu ia loa se fale ki loku suafa, ti e kau fakamakeke loa le ekeekeaga fakasau o lona puleaga, o lee gato.

Uluaki tosi o Sau 8:29

O tupu ke agai ou mata ki le fale leinei i le po mo le ao, ki le ganea leia na ke pati ki ai : E kau fakasa loa i ai loku agai. Fakalogo mai ki le kole leia e fai atu kiate koe e lau tagata fakasausau i le ganea leinei.

Uluaki tosi o Sau 8:44

Kapau e ulu loa lou kakai ki fafo o tau ki lona fili, o mulimuli ki le ala leia e ke fakasa loa kiate ia, ti kapau e lotou fai loa kiate koe ni kole, o tagaki olotou mata ki le kolo leinei kua ke aga o filifili ti mo le fale leinei kua kau fakatuu ki lou suafa,

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Sau 16:11

Ti na fakatuu loa e le tagata faisakilifisio ko Uli se aletale o tatau oki mo le paaki leia na fakamomoli ake e le sau ko Akase mei Tamaso, ti na fai loa a ia e le tagata faisakilifisio ko Uli i mua o le toe liliu ake a le sau ko Akase mei Tamaso.

Lua tosi o Sau 21:4

Na fakatuu loa e ia ni aletale i le fale tapu o le Eteleno, logo ai le pati a le Eteleno : Ko Selusalemi leia e kau agai ai loa.

Lua tosi o Sau 23:27

Ti na pati loa le Eteleno : E kau toe sau foki mo Suta mei oku mua ofaipe laku sau Iselaele, ti e kau tiaki loa le kolo leinei ko Selusalemi leia na kau filifili, ti mo le fale leia na kau pati ki ai : E kau agai loa i ai.

Lua tosi o Sau 23:4

Ti na fakatotonu loa e le sau kia Ilekisa, le tagata faisakilifisio lasi, mo la ake kau tagata faisakilifisio, ti mo le kau leo matapa, ke lotou laku ki fafo mei le fale o le Eteleno a nea gaoi fuli ala na fai kia Paale, mo Asetalate ti mo le kau tau katoa o le lagi ; ti na tutu loa e ia latou i le tua kolo o Selusalemi, i faisaga o Setolone, ti na kakau loa e ia ke ave lona mugalafu ki Petele.

Lua tosi o Sau 23:6

Na too loa e ia mei le fale o le Eteleno le fakatata o Asetalate, leia na ave loa e ia ki le tua kolo o Selusalemi ki le liua o Setolone ; na tutu loa e ia a ia i le liua o Setolone o okioki, ti na laku loa e ia le mugalafu ki tanuma o fanau o le kakai.

Lua tosi o Koloniko 33:15

Na fakapuli loa e ia mei le fale o le Eteleno a taulaatua mo le fakatata leia na ta e ia, ti na maumaui loa e ia a aletale fuli ala na fau e ia i le mauga o le fale o le Eteleno mo Selusalemi ; ti na laku loa e ia latou ki le tua kolo.

Lua tosi o Koloniko 33:7

Na fakatuu loa e ia le fakatata leia na ta e ia ki le fale o le Atua, le fale leia na pati ki ai le Atua kia Tavite mo Salomone, lona vosa : Kua kau filifili le fale leinei mo Selusalemi i nofoaga fuli o Iselaele ke agai ai loku suafa o lee gato.

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Lua tosi o Koloniko 7:16

I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Lua tosi o Koloniko 7:20

e kau ave loa koutou mei loku fenua leia na kau soli atu kia koutou, ti e kau tiaki mamao loa meiate au le fale leinei kua kau fakatapui ki loku suafa, ti e kau fakaliliu loa a ia ko se nea ke katai mo valoki i puleaga fuli.

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Pesalemo 74:2

Manatui lou kakai leia na ke totogi i mua ; Manatui a faasiga ala na ke totogi ko lou tofiga ! Manatui le mauga o Sione, leia na ke fai ai lou nofoaga ;

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Selemia 32:34

Kae na lotou fakatuu olatou fakatata fakalialia I le fale leia e fetapa ai ki loku suafa, O tupu ke fakakelekele a ia.

Selemia 7:30

Talie na fai e fanau a Suta le nea leia e veli ki oku mata, E pati le Eteleno ; Na lotou fakatuu alatou nea fakalialia i le fale leia e fetapa ai ki loku suafa, O tupu ke fakakelekelei ai latou.

Esekiele 23:38

Ko leinei foki le nea leia na la fai kiate au : Na la fakakelekele loku fale tapu i le aso lena, Ti na la maumaui oku sapato.

Tetelonome 16:21

Ke aua na ke fakatuu loa se taulaatua i tafa o le aletale leia e ke fakatuu ia loa ki le Eteleno, lou Atua.