Lua tosi o Sau 21:6 - Tosi Tapu

⁶ Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 21:6 ပူးပေါင်းရင်းမြစ်များ

Senesi 13:13

Na agaveli le kakai o Sotoma, mo agasala lasi ki le Eteleno.

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Esaia 19:3

E puli loa le laumalie o Esipito i loto malie o ona, Ti e kau maumaui loa lana fakakaukau. E oso loa a ia ki taulaatua, mo le kau fai nea fakatemonio, Mo latou ala e afa ki le kau mate, ti mo latou ala e faikikite ki le apogipogi.

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 19:5

Kua lotou fakatuu ni ganea taualuga kia Paale, Ke tutu ai alatou fanau i le afi ko ni failaulau kia Paale : Na leaise kau fakatotonu le nea lena, na e tosi a ia, Ti na leaise ake a ia i laku fakakaukau.

Esekiele 23:39

Na la momoli ola fanau ki ola taulaatua, Ti na la ano i le aso totonu lena ki loku sagatualio O fakakelekele a ia. Ko lena le nea leia na la fai i loku fale.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Levitiko 19:26

Aua na kotou kai loa se nea mo se toto. Aua na kotou vavakai loa a gata, pe ko ao ke kotou maua mei ai ni kikite.

Levitiko 19:31

Aua na kotou maliu loa kia latou ala e masau ki laumalie o le kau mate, pe ko le kau kikite ; aua na kotou afa loa latou, talie na kotou kelekele loa mo latou. Ko au ko le Eteleno, ko lokoutou Atua.

Mikea 6:7

Pe tali loa e le Eteleno ni ovi tagata e afe mo afe, Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ? Le fua o loku manava ki le agasala o loku laumalie ?

Gaoi 16:16

I lamatou ano ki le ganea faikole, na au loa o fakafetaulaki mai kia matou se taine fakasausau leia na nofo ai se temonio faikikite, ti na lasi ai a koloa na maua e ona pule iate ia, i lana faikikite loi.

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.