Lua tosi o Sau 21:22 - Tosi Tapu

²² na tiaki loa e ia le Eteleno, le Atua o ona tamana, ti na leaise saele loa a ia i le ala o le Eteleno.

Lua tosi o Sau 21:22 ပူးပေါင်းရင်းမြစ်များ

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Lua tosi o Sau 21:21

na saele loa a ia i le ala katoa leia na saele ai lona tamana, ti na tausi loa a ia ki taulaatua ala na tausi ki ai lona tamana, ti na tulolo loa a ia i olatou mua ;

Lua tosi o Sau 22:17

Talie na lotou tiaki au ti na lotou momoli ni nea fakamanogi ki ni taulaatua, o tupu ke kau itaita ai ki gaoiaga fuli o olatou lima, e vilo loa loku itaita ki le ganea leinei, ti e leaise toe taofi loa a ia.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.