Lua tosi o Sau 21:14 - Tosi Tapu

¹⁴ E kau tiaki loa le toetoega o loku tofiga, ti e kau tuku loa latou ki lima o olatou fili ; ti e lotou liliu loa ko le koloa tau mo le nea kai o olatou fili fuli,

Lua tosi o Sau 21:14 ပူးပေါင်းရင်းမြစ်များ

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:19

Ti na leaise taupau foki e Suta totonu a folafola a le Eteleno, lona Atua, kae na lotou mulimuli ki agai fenua ala na fakatuu e Iselaele.

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 19:4

E lagi na logo le Eteleno, lou Atua, ki masau fuli ala na fai e Lapesake, leia na kakau mai e le sau o Asilia, lona pule, ke au o nukinuki ki le Atua mauli, ti e lagi fakasoko loa e le Eteleno, lou Atua, ana tautea o tupu ko masau ala na logo a ia ki ai. Koia ke ke fai ake se kole ke pale ki aluga o tupu ko le kakai leia koi toe.

Lua tosi o Sau 21:13

E kau maumaui loa Selusalemi ofaipe laku maumaui Samalia mo le famili o Akapo ; e kau fufulu loa Selusalemi ofaipe se pa leia e fufulu, ti e fakapulou i le oki o lona fufulu.

Lua tosi o Sau 21:15

o tupu na lotou fai le nea leia e veli ki oku mata, ti na lotou fakatupu ia loku itaita, mei le aso leia na mavae ai olatou tamana mei Esipito o kaku mai ki le aso nei.

Lua tosi o Sau 23:27

Ti na pati loa le Eteleno : E kau toe sau foki mo Suta mei oku mua ofaipe laku sau Iselaele, ti e kau tiaki loa le kolo leinei ko Selusalemi leia na kau filifili, ti mo le fale leia na kau pati ki ai : E kau agai loa i ai.

Lua tosi o Sau 24:2

Koia na kakau ai loa e le Eteleno kia Sosakimi ni fa solia Kaletea, mo ni fa solia Silia, mo ni fa solia Moape, mo ni fa solia o vosa o Amone, ke au o taui Sosakimi ; na kakau mai latou e le Eteleno ke au o maumaui a Suta, o mulimuli ki le folafola leia na fakasa e le Eteleno i ana tagata fakasausau le kau polofeta.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Pesalemo 37:28

Talie e alofa le Eteleno ki le faitotonu, Ti e leaise tiaki e ia lana kau agatonu : E taupau tuumau e ia latou. Kae e motusi e ia le sakoga o le kau agaveli.

Pesalemo 74:1

Katiko a Asafe. Kolea, ei Atua, kua ke tiaki ai matou o lee gato ? Kolea kua ke ita ai ki le kau manu o lou lotoa ?

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Selemia 12:7

Na kau tiaki loku fale, Na kau tiaki loku tofiga ; Na kau tuku le nea leia na alofa ki ai loku loto ki lima o ona fili.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Selemia 44:27

Ko leinei, e kau tokaga loa ke fai kia latou le veli kae leai le malie ; ti e mamate loa a tagata fuli o Suta i le fenua o Esipito i le seleta, mo le oge, o kaku ki le fakamulimuli.

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Tagi laulau a Selemia 5:20

Kolea e ke galoi ai loa matou o lee gato, E ke tiaki ai loa matou o fualoa ?

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:48

e ke liliu loa o tausi ki ou fili ala e kakau mai loa e le Eteleno kiate koe : E ke pakupaku loa, mo fia inu loa, mo telefua loa, mo fakaaloalofa loa i nea fuli. E teki loa e le Eteleno se ukamea ki ou tuauma o kaku ki lou maumaui.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.