Lua tosi o Sau 20:8 - Tosi Tapu

⁸ Na pati loa Esekiasi kia Esaia : Pe kau iloa loa i le fakamailoga fea e fakamauli loa au e le Eteleno ti e kau pale loa i le tolu o aso ki le fale o le Eteleno ?

Lua tosi o Sau 20:8 ပူးပေါင်းရင်းမြစ်များ

Senesi 15:8

Na tali loa Apalamo : Aliki Eteleno, e kau iloa feaki loa e kau maua loa a ia ?

Lua tosi o Sau 19:29

Ke liliu le nea leinei ko se fakamailoga kiate koe, Esekiasi : E kotou kai loa i le fetuu e tasi le fua o le fulumeto leia na to, i le lua o fetuu e kotou kai loa le fulumeto leia na sosomo noa ; kae i le tolu o fetuu, e kotou muluki loa, ti e kotou tuuti loa le fulumeto, e kotou to loa ni vite, ti e kotou kai loa ona fua.

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Lua tosi o Sau 20:7

Na pati loa Esaia : kotou too se paapaa fiki. Na too loa a ia, o teki ki le papala. Ti na mauli loa Esekiasi.

Lua tosi o Sau 20:9

Ti na pati loa Esaia : Ko leinei, mei le Eteleno, le fakamailoga leia e ke iloa ai loa e fakasoko loa e le Eteleno le folafola leia na fakasa e ia kiate koe : Pe ke loto ke ano ki mua le malu i ni fa takakega e kau agafulu pe ke solomuli a ia i ni fa takakega e kau agafulu ?

Esaia 38:21

Na pati loa Esaia : Ke aumai se paapaa fiki, ti ke puluti ki ai le papala ; ti e mauli loa Esekiasi.

Esaia 38:22

Ti na pati loa Esekiasi : Kolea le fakamailoga e kau iloa ai loa e kau toe pale loa ki le fale o le Eteleno ?

Esaia 7:11

Kole kiate koe se fakamailoga mei le Eteleno, lou Atua ; kole a ia, mei ganea loloto o le kele, pe mei potu taualuga o le lagi.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Luka 18:10

Na pale loa ni tagata e toka lua o faikole i le fale tapu ; ko le faliseo le tasi, ti ko le popelikano le tasi.

Luka 2:12

Ti ko leinei le fakamailoga leia e kotou iloa ai loa a ia : E kotou maua loa se toe memea leia kua kofukofu, ti kua fakamoe i se kaiaga manu.

Tuifakamaau 6:17

Na tali loa Seteone kiate ia : Ko leinei, kapau kua kau maua se kalasia i ou mua, ke ke tuku mai loa kiate au se fakamailoga ke fakamaoki ai ko koe leia e masau mai kiate au.