Lua tosi o Sau 20:5 - Tosi Tapu

⁵ Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Lua tosi o Sau 20:5 ပူးပေါင်းရင်းမြစ်များ

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Lua tosi o Sau 19:20

Ti na kakau loa e Esaia, vosa o Amote, ke pati kia Esekiasi : Ko leinei le folafola a le Eteleno, le Atua o Iselaele : Kua kau logo ki le kole leia na ke fai mai kiate au o uiga mo Sanekelipe, sau o Asilia.

Lua tosi o Sau 20:4

Kae na leikiaise kaku loa Esaia, leia kua ulu ki fafo, ki loto malie o le malae, na au loa le folafola a le Eteleno kiate ia, o pati :

Lua tosi o Sau 22:19

O tupu na lave loa le nea lena ki lou loto, o tupu na ke fakataulalo i mua o le Eteleno i lau logo ki le nea leia na kau fakasa o uiga mo le ganea leinei mo lona kakai, ala e liliu loa ko se nea fakaii ti ko se nea fakatupu malaia, talie na ke sae ou kofu ti na ke tagi i oku mua, ko au foki, na kau logo ki ai, ko le pati leinei a le Eteleno.

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 34:3

I le fetuu valu o lana sau, koi muli foki a ia, na kamata afa loa e ia le Atua o Tavite, lona tamana ; i le fetuu kau agafulu tupu lua o lana sau, na kamata fakamea loa e ia a Suta mo Selusalemi mei ganea tapu, mo taulaatua, mo fakatata laakau, ti mo fakatata ukamea.

Pesalemo 107:20

Na kakau loa e ia lana folafola o fakamauli latou, Na saofaki loa e ia latou i le popoko.

Pesalemo 119:26

E kau fakamatala oku ala, ti e ke tali mai kiate au : Ako mai kiate au lekula !

Pesalemo 126:5

Ko latou ala e muluki ia le fakaili mo ni loimata E tuuti ia loa le fulumeto mo ni sua fakanekenekea.

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 34:18

Ka tagi le kau agatonu, e logo le Eteleno, Ti e fakamauli e ia a ia i ona mamae fuli.

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 56:9

E ke lau a laka o loku mauli taka sola ; Ke ke tanaki oku loimata i lau utele : Pe leaise tosi latou i lau tosi ?

Pesalemo 6:10

E tali e le Eteleno aku tagi, Ti e kukumi e le Eteleno laku kole.

Pesalemo 65:2

I le fanaki, ei Atua ! e fakafetai loa kiate koe i Sione, Ti e fakasoko loa a fakapapau fuli na fai kiate koe.

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 38:22

Ti na pati loa Esekiasi : Kolea le fakamailoga e kau iloa ai loa e kau toe pale loa ki le fale o le Eteleno ?

Esaia 38:5

Ano, o pati kia Esekiasi : Ko leinei le folafola a le Eteleno, le Atua o Tavite, lou tamana : Kua kau logo ki lau kole, ti kua kau tio ki ou loimata. Ko leinei, e kau toe fakalasi loa ou aso ki ni fetuu e kau agafulu tupu lima.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 18:10

Na pale loa ni tagata e toka lua o faikole i le fale tapu ; ko le faliseo le tasi, ti ko le popelikano le tasi.

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.