Lua tosi o Sau 20:3 - Tosi Tapu

³ Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Lua tosi o Sau 20:3 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 5:22

Ko Enoke, i le oki o le tupu o Metusela, na saele loa mo le Atua i fetuu e kau lelau tolu ; ti na fakatupu loa e ia ni vosa mo ni taineliki.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Uluaki tosi o Sau 11:4

I le temi matua o Salomone, na fakatafoki loa e ona avaga lona loto ki ni iki ake atua ; ti na leaise katoa loa lona loto ki le Eteleno, lona Atua, ofaipe le loto o Tavite, lona tamana.

Uluaki tosi o Sau 15:14

Kae na leaise puli loa a potu taualuga, logo ai na katoa le loto o Asa ki le Eteleno i lona mauli katoa.

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Uluaki tosi o Sau 8:61

Ke tuku lokoutou loto katoa ki le Eteleno, lotatou Atua, ofaipe le aso leinei, o mulimuli ki ana lao mo tausi ana folafola.

Uluaki tosi o Sau 9:4

Ti ko koe, kapau e ke saele loa i oku mua ofaipe le saele a Tavite, lou tamana, i le loto sako mo le agatonu, ke fai a nea fuli ala na kau fakatotonu kiate ia, ti kapau e ke taupau aku lao mo aku fakatotonu,

Lua tosi o Sau 20:2

Na maliu loa Esekiasi o agaaga ona mata ki le paa, o fai le kole leinei ki le Eteleno :

Lua tosi o Sau 20:4

Kae na leikiaise kaku loa Esaia, leia kua ulu ki fafo, ki loto malie o le malae, na au loa le folafola a le Eteleno kiate ia, o pati :

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:31

ti mo le nea o uiga mo le moliga fafie i lakaga kua fakatuutuu ki ai, ti mo uluaki fua. Ei loku Atua, ke ke manatui au, o agamalie mai kiate au !

Neemia 5:19

Ei loku Atua, ke ke manatui au, o tapuaki kiate au o mulimuli ki nea fuli ala na kau fai ki le kakai leinei !

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 1:8

Na pati loa le Eteleno kia Satana : Pe kua ke tokagai laku tagata fakasausau ko Sopo ? E leaise tatau se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli.

Sopo 16:20

E gologolo oku kaukaunea kiate au, Kae e kau kalaga mo tagi loimata ki loku Atua.

Sopo 4:6

Ko lau tui ki le Atua, pe leaise ko lou tokoi a ia ? Ko lou agatonu ki le Atua, pe leaise ko lau amanaki malie a ia ?

Pesalemo 102:9

I aso fuli e lauveli oku fili kiate au, Ti e fakapapau iate au latou ala e vesia kiate au.

Pesalemo 119:26

E kau fakamatala oku ala, ti e ke tali mai kiate au : Ako mai kiate au lekula !

Pesalemo 119:49

Manatui lau fakapapau ki lau tagata fakasausau, O tupu na ke soli mai kiate au le amanaki malie !

Pesalemo 145:18

E ofi le Eteleno kia latou fuli ala e fetapa kiate ia, Kia latou fuli ala e fetapa kiate ia i le maoki.

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Pesalemo 26:1

Pesalemo a Tavite. Eteleno, fakamaau au i le faitotonu, talie e kau saele i le maoki, E kau fanaki ki le Eteleno, koia e leaise kau siga ai.

Pesalemo 26:3

Talie e tuu lou kalasia i mua o oku mata, Ti e kau saele i lou maoki.

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Pesalemo 39:13

Fakalogo mai ki laku kole, Eteleno, ti ke tokaga mai lou taliga ki aku tagi ! Aua na ke aganoa ki oku loimata ! Talie ko se matapule au i lou fale, Ko se tagata noa au, ofaipe oku tamana fuli.

Pesalemo 6:6

Talie e leaise toe manatu kiate koe leia kua mate. Ko ai e fakafetai loa kiate koe i le nofoaga o le kau mate ?

Pesalemo 6:7

Kua kau gaegae i le tagi ; I po fuli e fakasusu loku moeaga e oku loimata, Ti e fakavai loku palepale e aku tagi.

Pesalemo 89:47

Eteleno, pe kaku loa kiafea lau mumuni tuumau, Ti mo le ula o lou sausau ofaipe le afi ?

Pesalemo 89:50

Kofea, Eteleno, ou agamalie i mua, Ala na ke fakapapau kia Tavite i lou agatonu ?

Esaia 38:14

Na kau tagi ofaipe se pekapeka e lele, Na kau tagi ofaipe le lupe ; Na gaegae oku mata i le tio ki le lagi : Ei Eteleno ! kua kau taomia i le i, saofaki au !

Esaia 63:11

Ti na manatui loa e lona kakai a aso mago o Moisese. Kofea leia na fakamavae ia latou i le tai, Mo le tagata tausi o lana kau manu ? Kofea leia na tuku ia ki loto malie o latou lona Laumalie maokioki ;

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.