Lua tosi o Sau 20:16 - Tosi Tapu

¹⁶ Na pati loa Esaia kia Esekiasi : Fakalogo mai ki le folafola a le Eteleno !

Lua tosi o Sau 20:16 ပူးပေါင်းရင်းမြစ်များ

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Sau 20:15

Ti na toe pati loa Esaia : Kolea le nea leia na lotou tio ki ai i lou fale ? Na tali loa Esekiasi : Na lotou tio ki nea fuli o loku fale : na leaise nea fua i oku koloa na leaise kau fakasa kia latou.

Lua tosi o Sau 20:17

Ko leinei, e soko mai loa le temi leia e ave ai loa ki Papilone a nea fuli ala e tuku i lou fale, ti mo nea ala na tanaki e ou tamana o kaku mai ki le aso nei ; e folafola le Eteleno : E leaise toe loa se nea fua e tasi.

Lua tosi o Sau 7:1

Na pati loa Eliseo : Kotou fakalogo ki le folafola a le Eteleno ! I apogipogi, i le ola leinei, e maua loa ni kilo falina e kau agafulu tupu lua ki se fa piesi paaga e tasi ti mo ni kilo falina olese e kau lua tupu fa ki se fa piesi paaga e tasi, i le maketi o Samalia.

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Amosi 7:16

Koia ke ke fakalogo mai ai i le lakaga nei ki le folafola a le Eteleno, a koe leia e pati : Aua na ke kikite ki le fenua ko Iselaele, ti aua na ke masau ki le fale o Isaake.

Uluaki tosi a Samuele 9:27

I le temi leia na la ifo ai loa ki le potupotu o le kolo, na pati loa Samuele kia Saulo : Pati ki lau tagata fakasausau ke muamua a ia. Ti na fakalaka loa le tagata fakasausau o ano i mua. Na pati loa Samuele : Tuu mua i le lakaga nei ti e kau fakasa loa kiate koe le folafola a le Atua.