Lua tosi o Sau 20:13 - Tosi Tapu

¹³ Na fakatalitali loa latou e Esekiasi, ti na fakasasa loa e ia le ganea leia na tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo lona fale tanaki masafu, mo nea fuli ala na tuku fakatasi mo ona koloa : na leaise nea fua i lona fale, mo lona puleaga katoa na leaise fakasa e Esekiasi kia latou.

Lua tosi o Sau 20:13 ပူးပေါင်းရင်းမြစ်များ

Uluaki tosi o Sau 10:10

Na soli loa e le fafine sau ki le sau ko Salomone se aulo ko tane e tolu mo le vaelua, mo ni nea fakamanogi mauke ai mo ni fatu mauiga. Na leaise toe aumai loa ni nea fakamanogi ke lasi tatau mo la na soli loa e le fafine sau o Sepa ki le sau ko Salomone.

Uluaki tosi o Sau 10:15

kae na lau kese fai le aulo leia na maua e ia mei le kau fai koloa mo le fai fakatau a kau fai koloa, mei sau fuli o Alapia, mo kovana o le fenua.

Uluaki tosi o Sau 10:2

Na kaku mai loa a ia ki Selusalemi mo lana kau fanoga toka api, ti mo se kau kamelo leia na amo ia ni nea fakamanogi, mo se aulo lasi ai, ti mo ni fatu mauiga. Na ano loa a ia kia Salomone, ti na fakasa loa e ia kiate ia a nea fuli ala na maua e ia i lona loto.

Uluaki tosi o Sau 10:25

Ti na ave e le tagata taki toka tasi lana nea alofa, ni nea siliva, mo ni nea aulo, mo ni teu, mo ni masafu, mo ni nea fakamanogi, mo ni osi, ti mo ni mule ; ti na fenaaki i fetuu fuli.

Lua tosi o Sau 20:14

Na au loa Esaia, le polofeta, ki le sau ko Esekiasi, o pati kiate ia : Kolea le pati a kakai ana, ti na lotou au meifea ? Na tali loa a Esekiasi : Na lotou au mei se fenua mamao, mei Papilone.

Lua tosi o Sau 20:15

Ti na toe pati loa Esaia : Kolea le nea leia na lotou tio ki ai i lou fale ? Na tali loa Esekiasi : Na lotou tio ki nea fuli o loku fale : na leaise nea fua i oku koloa na leaise kau fakasa kia latou.

Pesalemo 62:11

Ke aua na kotou fanaki ki le fakamakeke, Ti ke aua na kotou tuku se fanaki sala ki le kaia ; Ka tupu a koloa o lasi, Ke aua na pipiki ki ai okoutou loto.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Esaia 39:2

Na fiafia loa Esekiasi i le nea lena, ti na fakasa loa e ia ki le kau fakafofoga o Papilone le ganea leia e tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo ana masafu fuli, ti mo nea fuli ala na tanaki i ona fale koloa : Na leaise nea fua e tasi leia na leaise fakasa e Esekiasi kia latou i lona fale ti mo lona puleaga katoa.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.