Lua tosi o Sau 20:10 - Tosi Tapu

¹⁰ Na tali loa Esekiasi : Ko le nea noa ke ano le malu ki mua i ni fa takakega e kau agafulu.

Lua tosi o Sau 20:10 ပူးပေါင်းရင်းမြစ်များ

Lua tosi o Sau 2:10

Na pati loa Elia : E ke kole se nea faigataa. Kae kapau e ke tio loa kiate au i le temi leia e ave ai au meiate koe, ti e soko loa le nea lena kiate koe ; ti kapau e leaise ke tio loa ki loku ave, ti e leaise soko loa le nea lena.

Lua tosi o Sau 20:11

Koia na kole ai loa e Esaia, le polofeta, ki le Eteleno, leia na fakasolomuli ia loa le malu i fa takakega e kau agafulu, i le kakega o Akase.

Lua tosi o Sau 20:9

Ti na pati loa Esaia : Ko leinei, mei le Eteleno, le fakamailoga leia e ke iloa ai loa e fakasoko loa e le Eteleno le folafola leia na fakasa e ia kiate koe : Pe ke loto ke ano ki mua le malu i ni fa takakega e kau agafulu pe ke solomuli a ia i ni fa takakega e kau agafulu ?

Lua tosi o Sau 3:18

Kae ko se nea noa lena ki mata o le Eteleno. E tuku atu loa e ia Moape ki okoutou lima ;

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Soane 14:12

E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Sosue 10:12

Ti na masau loa Sosue ki le Eteleno, i le aso leia na tuku ai loa e le Eteleno le kau Amole ki fanau a Iselaele, ti na pati loa a ia i mua o Iselaele : Laa, ke ke tuu mau i aluga o Kapaone ! Ti mo koe, Masina, ke ke talitali i aluga o le vaivailiua o Asaloni !

Sosue 10:13

Ti na tuu mau loa le laa, ti na talitali loa le masina, O kaku ki le oki o le totogi o fanau a Iselaele ki ona fili. Pe leaise tosi le nea lena i le tosi o le tagata faitotonu ? Na tuu mau loa le laa i lotomalie o le lagi, Ti na leaise fakatavili loa a ia o ifo ki le toaga o le laa i se aso katoa.