Lua tosi o Sau 2:9 - Tosi Tapu

⁹ I le oki o lala fakalaka, na pati loa Elia kia Eliseo : Kole mai le nea leia e ke loto ke kau fai kiate koe, i mua o loku ave meiate koe. Na pati loa Eliseo : E kau kole kiate koe ke ifo kiate au se potu o lou laumalie fakakikite o liuga lua !

Lua tosi o Sau 2:9 ပူးပေါင်းရင်းမြစ်များ

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Pesalemo 72:1

A Salomone. Ei Atua, ke ke tuku au fakamaau ki le sau, Ti mo lou faitotonu ki le vosa o le sau !

Pesalemo 72:20

Oki o kole a Tavite, vosa o Isaia.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Numelo 11:17

E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Numelo 11:25

Na ifo loa le Eteleno i le ao, o masau kia Moisese. Ti na too loa e ia se potu o le laumalie leia na nofo iate ia, o tuku loa a ia ki le kau fakamatuatua e tino fitu. I le temi fai leia na ifo ai loa le laumalie kia latou, na lotou masau loa ofaipe le kau polofeta ; kae na leaise lotou soko atu a ia.

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 8:17

Koia na teki loa e Petelo mo Soane ola lima kia latou, ti na lotou tali loa le Laumalie Maokioki.

Uluaki tosi ki le kau Kolinto 12:31

Ke kotou oli lasi ki nea alofa malilie tukupau. Ti e kau toe fakasa atu loa kia koutou se ala leia e malie tukupau.

Tetelonome 21:17

Kae e fakamaoki loa e ia ko le uluaki ko le vosa o le fafine leia e leaise alofa a ia ki ai, ti e soli loa e ia kiate ia ni vaega e lua i ana nea fuli ala e maua e ia. Talie ko le vosa lena ko le uluaki fua a ia o lona makeke, ti ko ia leia e tonu ke maua ia loa le pule o le uluaki.

Tetelonome 34:9

Na apele loa Sosue, vosa o Nune, i le Laumalie o le poto, talie na teki e Moisese ona lima kiate ia. Na fakalogo loa fanau a Iselaele kiate ia, ti na lotou mulimuli loa ki fakatotonu ala na tuku e le Eteleno kia Moisese.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.