Lua tosi o Sau 2:8 - Tosi Tapu

⁸ Ti na too loa e Elia lona taupulupulu o takatakai mo taai ki ai le vai o le Solotane, leia na mavaelua loa, ti na la fakalaka loa i le takele malo.

Lua tosi o Sau 2:8 ပူးပေါင်းရင်းမြစ်များ

Uluaki tosi o Sau 19:13

I le logo loa a Elia ki ai, na puloui loa e ia ona mata ki lona taupulupulu, ti na ulu loa a ia ki fafo, o tuu i mua o le ana. Ti ko leinei, na fakasa loa e se leo kiate ia a folafola anei : Kolea e ke fai i leinei, Elia ?

Uluaki tosi o Sau 19:19

Na mavae loa Elia mei le ana, ti na maua loa e ia Eliseo, vosa o Safate, leia na lolotoga fakamaluu kele. Na i ai ni soa pipi e kau agafulu tupu lua i ona mua, ti na nofo a ia mo le kau agafulu tupu lua soa pipi. Na fakafeofi loa Elia kia Eliseo, o ti lona taupulupulu kiate ia.

Lua tosi o Sau 2:14

na too loa e ia le taupulupulu leia na fakavilo e Elia, ti na taai loa e ia ki ai le vai, o pati : Kofea le Eteleno, le Atua o Elia ? Ti na toe taai foki e ia le vai o le vaitafe, ti na mavaelua loa le vai, ti na fakalaka loa a ia.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Esaia 11:15

E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Epelo 11:29

Ko le tui leia na lotou fakalaka ai loa i le tai Kula, ofaipe i se ganea malo, kae na folo loa e le tai le kau Esipito, leia na asiasi ke fakalaka i ai.

Epelo 11:37

Na tuki fatui loa latou, mo sele ki ni tutuu, mo fakavelivelii ; na tamate latou ki le seleta ; na lotou feanoaki o lava ki ni kilii ovi mo ni kilii koti, ti na lotou mativa i nea fuli, mo mamae, ti mo vesiainai.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.

Uluaki tosi a Samuele 28:14

Na pati loa Saulo ki le fafine : E feaki ona mata ? Ti na tali le fafine : Ko se matua leinei e pale mai ti e kofu a ia ki se taupulupulu. Na matala loa Saulo ko Samuele, ti na tulolo loa ona mata ki le kele, o tuutuli.