Lua tosi o Sau 2:6 - Tosi Tapu

⁶ Na pati loa Elia kia Eliseo : E kau kole atu kiate koe, ke ke nofo i leinei, talie kua kakau au e le Eteleno ki le Solotane. Na tali loa Eliseo : E mauli le Eteleno ti e mauli lou laumalie ! e leaise kau mavae loa iate koe. Ti na la soko atu lola fanoga.

Lua tosi o Sau 2:6 ပူးပေါင်းရင်းမြစ်များ

Senesi 22:6

Na too loa e Apalaamo le fafie o le failaulau, o fakaamo a ia ki lona vosa ko Isaake, kae too loa e ia i lona lima le afi mo le sele. Ti na la saele fakatasi loa toka lua.

Senesi 22:8

Na tali loa Apalaamo : Ei loku vosa, e tokaga loa le Atua totonu ki le akeno o le failaulau. Ti na la saele fakatasi loa, toka lua.

Lua tosi o Sau 2:2

Na pati loa Elia kia Eliseo : E kau kole atu kiate koe, ke ke nofo i leinei, talie kua kakau au e le Eteleno ki Petele. Ti na tali loa Eliseo : E mauli le Eteleno ti e mauli lou laumalie ! e leaise kau mavae loa iate koe ! Ti na la ifo loa ki Petele.

Lua tosi o Sau 4:30

Na pati loa le tinana o le toe : E mauli le Eteleno, ti e mauli lou laumalie ! E leaise kau mavae loa iate koe. Ti na tuu ake loa Eliseo ki aluga, o ano mo ia.

Sosue 3:15

Na apele pipi le Solotane ti na mafola ona vai i ona kauvai fuli i le temi katoa o le tau fulumeto. I le lakaga na kaku ai ki le Solotane le kau tagata faisakilifisio ala na amo ia le aleka, ti na susu ai olatou vae i le kauvai,

Sosue 3:8

Ke ke tuku loa le fakatotonu leinei ki tagata faisakilifisio ala e amo ia le aleka o le fakapapau : Ka kotou ulu loa ki le vai o le Solotane ti ke kotou tutuu loa i loto o le Solotane.

Lute 1:16

Na tali loa a Lute : Aua na ke fakamakeke au ke kau tiaki a koe, ti ke kau toe liliu o mamao mo koe ! Ko le ganea leia e ke ano loa ki ai, e kau ano loa ki ai ; ko le ganea leia e ke nofo loa i ai, e kau nofo loa i ai ; e liliu loa lou kakai ko loku kakai, ti e liliu loa lou Atua ko loku Atua ;

Uluaki tosi a Samuele 1:26

Na pati loa Ana : Tilou, ei loku aliki, ofaipe le maoki e mauli loku laumalie, ei loku aliki, ko au ko le fafine leia na tuu i ou tafa i leinei, o faikole ki le Eteleno.

Uluaki tosi a Samuele 20:3

Na toe pati loa Tavite, o fakapapau : Kua iloa malie e lou tamana kua kau maua le kalasia i ou mua, ti na pati loa a ia : Ke aua na iloa e Sonatane le nea lena, talie e mamae ai loa lona loto. Kae e mauli le Eteleno ti e mauli lou laumalie ! Ko le fa sake fai e tasi e kau vasa ai mo le mate.