Lua tosi o Sau 2:3 - Tosi Tapu

³ Na au loa kia Eliseo a vosa o le kau polofeta ala na nonofo i Petele, o pati kiate ia : Pe ke iloa e ave loa e le Eteleno lou pule mei lou fa ulu i le aso nei ? Ti na tali loa Eliseo : E kau iloa a ia ; kotou fakalologo.

Lua tosi o Sau 2:3 ပူးပေါင်းရင်းမြစ်များ

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 20:35

Na pati loa se tasi i vosa o le kau polofeta ki lona kaukau nea, o mulimuli ki le fakatotonu a le Eteleno : Ke ke taai au ! Kae na leaise loto loa le tagata lena ki ai.

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Lua tosi o Sau 2:5

Na fakafeofi ake loa kia Eliseo a vosa o le kau polofeta ala na nonofo i Seliko, o pati kiate ia : Pe ke iloa e ave loa e le Eteleno lou pule mei lou fa ulu i le aso nei ? Ti na pati loa Eliseo : E kau iloa foki a ia ; kotou fakalologo.

Lua tosi o Sau 2:7

Na kakau ake loa se kau tagata e tino lima i vosa o le kau polofeta, ti na lotou tutuu loa mei mamao o tio kia laua, kae na tutuu loa Elia mo Eliseo i le laugutu o le Solotane.

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Lua tosi o Sau 4:38

Na toe au loa Eliseo ki Kilikale, ti na i ai se oge i le fenua. Na tonatona loa a vosa o le kau polofeta i ona mua, ti na pati loa a Eliseo ki lana tagata fakasausau : fakatuu le fa kulo lasi ti ke fakamoso se supa ki vosa o le kau polofeta.

Lua tosi o Sau 5:22

Na tali loa Keasi : E malie fai. Kua kakau mai au e loku pule ke kau pati kiate koe : Ko leinei, kua tau mai ki loku kaiga ni tagata tupulaga e toka lua mei le mauga o Efalaimi, i vosa o le kau polofeta ; e kau kole atu kiate koa ke ke soli mai ki laua se fa tenalio paaga e tasi mo ni teu katoa e lua.

Lua tosi o Sau 6:1

Na pati loa a vosa o le kau polofeta kia Eliseo : Ko leinei, kua ikiiki kia tatou le ganea leinei e tou nonofo ai.

Lua tosi o Sau 9:1

Na kalagai loa e Eliseo, le polofeta, se tasi i vosa o le kau polofeta, o pati kiate ia : Toi lou kilii pipi, ti ke too le fagu lolo leinei, o ano ki Lamoti i Kalaate.

Esaia 8:18

Ko leinei, ko au mo fanau ala na tuku mai e le Eteleno kiate au, Kua motou liliu ko ni fakamailoga mo ni nea fakatalatupua i Iselaele, Mei le Eteleno o kau tau, Leia e nofo i le mauga o Sione.

Amosi 7:14

Ti na tali loa Amosi kia Amatesia : E leaise ko se polofeta au, pe ko se vosa au o se polofeta ; kae ko se tagata tausi manu au, ti e kau to ia ni sikomole.

Gaoi 22:3

E kau Sutea, ti na kau tupu i Talese i Silisia ; kae na kau lasi ake i le kolo leinei, ti na kau ako i vae o Kamaliele i le maoki katoa o le lao o tatou tamana, ti na kau apele i le alofa ki le Atua ofaipe koutou fuli i le aso nei.

Tetelonome 33:3

Io, e alofa a ia ki puleaga ; E nofo ana kau sagato fuli i lona lima. E lotou tutuu i lalo o ou vae, E lotou tali au folafola.

Uluaki tosi a Samuele 10:5

I le oki a ia, ti e ke kaku loa ki Kipea-Eloimi, leia e tuu ai le fale solia o le kau Filisitini. I lau ulu ki le kolo, e ke felavei loa mo se kau polofeta leia e ifo mai mei le ganea tapu, ti e muamua ia latou ni tagata fai musika mo alatou alepe, mo alatou nafa, mo alatou kofe pupusi, mo alatou ukalele ; ti e masau kikite le kau polofeta.

Uluaki tosi a Samuele 19:20

Na kakau loa e Saulo ni tagata avelogo ke ano o tapo Tavite. Na lotou tio loa ki se kau polofeta na lolotoga masau fakakikite, ti na taki latou e Samuele. Na ulu loa le Laumalie o le Atua ki tagata avelogo a Saulo, ti na lotou folafola fakakikite loa mo latou foki.