Lua tosi o Sau 2:16 - Tosi Tapu

¹⁶ Ti na lotou pati loa kia Eliseo : Ko leinei, e maua i au tagata fakasausau ni tagata makeke e tino lima, pe ke loto ke lotou ano o afa lou pule ? Na saga na ave a ia e le laumalie o le Aliki o tuku i se mauga pe ko se vaivailiua. Na tali loa Eliseo : Aua na kotou kakau latou.

Lua tosi o Sau 2:16 ပူးပေါင်းရင်းမြစ်များ

Uluaki tosi o Sau 18:12

Ti e soko loa, ka kau mavae loa meiate koe, e ave loa a koe e le Laumalie o le Eteleno ki se ganea leia e leaise kau iloa ; ti e kau ano loa o fakasa le nea lena kia Akapo, leia e leaise maua ia loa a koe, ti e tamate loa e ia au. Kae e i lau tagata fakasausau ki le Eteleno talu mei lona ikiiki.

Lua tosi o Sau 2:7

Na kakau ake loa se kau tagata e tino lima i vosa o le kau polofeta, ti na lotou tutuu loa mei mamao o tio kia laua, kae na tutuu loa Elia mo Eliseo i le laugutu o le Solotane.

Esekiele 11:24

Ti na too loa au e le Laumalie, o ave ki Kaletea ki le kau popula ; ti na puli loa le nea leia na kau tio ki ai i oku aluga.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Gaoi 8:39

I lala mavae ake loa i le vai, na too loa Filipo e le Laumalie o le Aliki, ti na leaise toe tio loa le enuke kiate ia : Ti na soko atu loa e ia lona fanoga, i le fiafia.