Lua tosi o Sau 2:15 - Tosi Tapu

¹⁵ I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Lua tosi o Sau 2:15 ပူးပေါင်းရင်းမြစ်များ

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Uluaki tosi o Sau 20:35

Na pati loa se tasi i vosa o le kau polofeta ki lona kaukau nea, o mulimuli ki le fakatotonu a le Eteleno : Ke ke taai au ! Kae na leaise loto loa le tagata lena ki ai.

Lua tosi o Sau 2:19

Na pati loa le kakai o le kolo kia Eliseo : ko leinei, e malie le nofo i le kolo, ofaipe le tio ki ai a loku aliki ; kae e veli le vai, ti e kaka le kele.

Lua tosi o Sau 2:7

Na kakau ake loa se kau tagata e tino lima i vosa o le kau polofeta, ti na lotou tutuu loa mei mamao o tio kia laua, kae na tutuu loa Elia mo Eliseo i le laugutu o le Solotane.

Lua tosi o Sau 4:37

Na ano loa le fafine Sunami, o punou i vae o Eliseo o kaku ki le kele. Ti na too loa e ia lona tama, o ulu ki fafo.

Lua tosi o Sau 5:22

Na tali loa Keasi : E malie fai. Kua kakau mai au e loku pule ke kau pati kiate koe : Ko leinei, kua tau mai ki loku kaiga ni tagata tupulaga e toka lua mei le mauga o Efalaimi, i vosa o le kau polofeta ; e kau kole atu kiate koa ke ke soli mai ki laua se fa tenalio paaga e tasi mo ni teu katoa e lua.

Lua tosi o Sau 9:1

Na kalagai loa e Eliseo, le polofeta, se tasi i vosa o le kau polofeta, o pati kiate ia : Toi lou kilii pipi, ti ke too le fagu lolo leinei, o ano ki Lamoti i Kalaate.

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Amosi 7:14

Ti na tali loa Amosi kia Amatesia : E leaise ko se polofeta au, pe ko se vosa au o se polofeta ; kae ko se tagata tausi manu au, ti e kau to ia ni sikomole.

Numelo 27:20

E ke tuku loa kiate ia se koga o lou pule, o tupu ke fakalogo kiate ia fanau fuli a Iselaele.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 4:14

I le aso lena, na fakamakeke e le Eteleno le pule a Sosue i mua o fanau fuli o Iselaele, ti na lotou fakaapaapa loa kiate ia i lona mauli katoa ofaipe lalatou fakaapaapa kia Moisese.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Uluaki tosi a Samuele 10:5

I le oki a ia, ti e ke kaku loa ki Kipea-Eloimi, leia e tuu ai le fale solia o le kau Filisitini. I lau ulu ki le kolo, e ke felavei loa mo se kau polofeta leia e ifo mai mei le ganea tapu, ti e muamua ia latou ni tagata fai musika mo alatou alepe, mo alatou nafa, mo alatou kofe pupusi, mo alatou ukalele ; ti e masau kikite le kau polofeta.