Lua tosi o Sau 19:7 - Tosi Tapu

⁷ E kau tuku loa kiate ia se laumalie o tupu ke maua loa e ia se logo, ti ke toe liliu loa a ia ki lona fenua, ti ke kau tamate loa a ia ki le seleta i lona fenua.

Lua tosi o Sau 19:7 ပူးပေါင်းရင်းမြစ်များ

Lua tosi o Sau 19:28

Talie kua ke itaita kiate au, Ti kua kaku mai ki oku taliga au masau matasoka, E kau tuii loa laku matau ki lou isu, Ti e kau fakagutu loa a koe, Ti e kau toe fakaliliu ia loa a koe i le ala leia na ke au ai.

Lua tosi o Sau 19:33

E toe liliu loa a ia i le ala leia na au ai, Ti e leaise ulu loa a ia ki le kolo leinei, ko le folafola leinei a le Eteleno.

Lua tosi o Sau 7:6

Na fakagugulu e le Aliki i le loto o le nofolaga tau o le kau Silia se logoa o ni kau saliote ti mo se logoa o ni kau osi, le logoa o se fa solia api ai, ti na femasauaki loa le kau Silia ia latou : Ko leinei, kua totogi e le sau o Iselaele a sau o le kau Eti mo sau o le kau Esipito ke au o taui tatou.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Sopo 15:21

E kalaga ni leo fakaii ki ona taliga, Ti e saele le tagata maumau kiate ia kae e leaise iloa e ia.

Sopo 4:9

E tamate latou e le tukumanava a le Atua, Ti e tutu latou e le matagi o lona sausau.

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 94:23

E fakavilo loa e ia kia latou lalatou agasala, E maumaui loa e ia latou ki lalatou agasala ; Io, e maumaui loa latou e le Eteleno, lotatou Atua.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Selemia 49:14

Na kau maua mei le Eteleno se logo, Ti na kakau se tagata avelogo ki atu puleaga : Kotou fakatasi mai, ti kotou saele kiate ia ! Kotou tutuu ki aluga ki le tau !

Selemia 51:1

E folafola le Eteleno, o pati : Ko leinei, e kau lagai loa ki Papilone Ti mo le kakai o Kaletea Se matagi maumau.

Selemia 51:46

Ke aua na kotou loto gaegae, ti ke aua na kotou i, O tupu ko logoa ala e mafola loa i le fenua ; Talie e soko loa se logoa i le fetuu leinei, Ti mo se tasi i le fetuu ka au, E pule loa le fakamakeke i le fenua, Ti e malaga ake loa se pule fakamakeke ki se tasi pule fakamakeke.

Apetiasi 1:1

Folafola kikite a Apetiasi. Ko leinei le folafola a le Aliki, le Eteleno, ki Etome : Na motou maua se logo mei le Eteleno, Ti na kakau se tagata avelogo ki atu puleaga : Kotou tutuu ki aluga, ke tou saele ki Etome o taui a ia !