Lua tosi o Sau 19:12 - Tosi Tapu

¹² Pe na saofaki e atua o atu puleaga a puleaga ana na maumaui e oku tamana, a Kosani, mo Salani, mo Letisefi, ti mo vosa o Eteni, ala e nonofo i Telasa ?

Lua tosi o Sau 19:12 ပူးပေါင်းရင်းမြစ်များ

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 11:32

Ko aso o Telake ko fetuu e kau lelau lua tupu lima ; ti na mate loa Telake i Salani.

Senesi 2:8

Ti na to loa e le Eteleno Atua se oloto i Eteni, i le potu esite, ti na tuku loa e ia ki ai le tagata leia na fakatupu e ia.

Senesi 29:4

Na pati loa Sakopo ki le kau tausi manu : Ei oku fetaina, pe kotou au meifea ? Na lotou tali loa : E motou nofo i Salani.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 19:11

Ko leinei, kua ke logo ki nea ala na fai e le sau o Asilia ki fenua fuli, pe na feaki lana aga o maumaui a fenua ana ; ti ko koe, e ke sao feaki loa !

Uluaki tosi o Koloniko 5:26

Na eke fakamakeke loa le Atua o Iselaele le loto o Pulu, sau o Asilia, mo le loto o Tilekate-Pilenesele, sau o Asilia, ti na ave popula loa e Tilekate-Pilenesele a vosa o Lupeni, mo vosa o Kate, mo le vaelua o vosa o le faasiga o Manase, ti na taki loa e ia latou ki Salaki, mo Sapole, mo Ala, ti mo le vaitafe o Kosani, leia na lotou nonofo ai loa o kaku mai ki le aso nei.

Esaia 37:12

Ko atua o puleaga ala na maumaui e oku tamana, pe na lotou saofaki olatou fenua, a Kosani, mo Salani, mo Letesefi, mo vosa o Eteni ala e nonofo i Telasale ?

Esekiele 27:23

Na fai koloa Salani mo koe, mo Kane, mo Eteni, Mo le kau fai koloa o Sepa, mo Asilia, mo Kilimati ;

Gaoi 7:4

Ti na mavae loa a ia mei le fenua o le kau Kaletea, o nofo i Salani. I le oki o le mate o lona tamana, na too loa a ia e le Atua i lena, o aumai ki le fenua leinei e kotou nonofo ai nei.