Lua tosi o Sau 19:1 - Tosi Tapu

¹ I le logo loa a le sau ko Esekiasi ki nea ana, na sae loa e ia ona teu, ti na tui loa e ia se taga, o ano ki le fale o le Eteleno.

Lua tosi o Sau 19:1 ပူးပေါင်းရင်းမြစ်များ

Senesi 37:34

Ti na sae loa e Sakopo ona kofu, kae tui loa e ia se taga, ti na tagi loa a ia ki lona vosa i se temi fualoa ai.

Uluaki tosi o Sau 21:27

I le oki o le logo a Akapo ki folafola a Elia, na sae loa e ia ona kofu, kae na tui loa e ia se taga ki lona tino, ti na sesunio loa a ia : na moe a ia mo le taga lena, ti na saele tolotolo fua a ia.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Lua tosi o Sau 18:37

Ti na au loa kia Esekiasi a Eliakimi, vosa o Ilekisa, pule o le fale o le sau, mo Sepena, le sekalaipe, mo Soake, vosa o Asafe, le tagata fakafofoga o le sau, mo olatou teu kua sae, o fakamatala kiate ia a masau a Lapesake.

Lua tosi o Sau 5:7

I le oki o lana lau le tosi, na sae loa e le sau o Iselaele ona kofu, o pati : Pe ko le Atua au, ke kau fakamate ia pe ke kau fakamauli ia, ke tupu ai lana pati mai kiate au ke kau fakamauli se tagata mei lona kilia ? Ke kotou iloa ti ke kotou matala e afa e ia se nea ke tupu ai se tokaveli ia maua.

Lua tosi o Sau 6:30

I le logo a le sau ki masau a le fafine, na sae loa e ia ona teu mo saele i aluga o le paa ; ti na tio loa le kakai, ko leinei kua tui e ia se taga i loto.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Esaia 37:37

Ti na tuu loa Sanekelipe, sau o Asilia, mo lana solia, o toe liliu ; ti na nofo loa a ia i Ninive.

Selemia 36:24

Na leaise i loa le sau mo ana tagata fakasausau fuli ala na logo ki folafola fuli ana, ti na leaise lotou sae loa olatou kofu.

Sonasi 3:5

Ti na tui loa le kakai o Ninive ki le Atua, ti na lotou fakasa loa se sesunio, ti na lotou kofu loa ni taga, mei le kau lalasi o kaku kia latou ala e liliki oki.

Sonasi 3:8

Ke kofu e tagata mo manu ni taga, ti ke lotou tagi ki le Atua i lolatou makeke katoa, ti ke lotou tafoki fuli mei olatou ala veveli mo alatou gaoi fakamakeke ala na agasala ai olatou lima !

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Mateo 26:65

Ti na sae loa e le pule faisakilifisio ona kofu, o pati : Kua fatituu a ia ki le Atua ! Kolea koi aoga mai ai ni tagata fakamaoki ? Ko leinei kua kotou logo ki lana fatituu ki le Atua.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.

Uluaki tosi a Samuele 4:12

Na makape loa se tagata o Pesamino mei le malae tau, o kaku ki Silo i le aso lena, kua masaesae ona kofu ti kua pani kele lona ulu.