Lua tosi o Sau 18:8 - Tosi Tapu

⁸ Na tamate loa e ia le kau Filisitini o kaku ki Kasa, ti na maumaui loa e ia lolatou fenua mei ona tule leo o kaku ki kolo tau.

Lua tosi o Sau 18:8 ပူးပေါင်းရင်းမြစ်များ

Uluaki tosi o Sau 5:4

I le lakaga nei kua soli mai kiate au e le Eteleno, loku Atua, le malolo mei potu fuli ; kua oki a fili, ti kua oki a malaia !

Lua tosi o Sau 17:9

Na fai fakafufu loa e fanau a Iselaele ki le Eteleno, lolatou Atua, ni nea ala e leaise malie. Na lotou fakatuu loa kia latou ni ganea taualuga i olatou kolo fuli, mei tule leo o kaku ki kolo tau.

Uluaki tosi o Koloniko 4:41

Ko tagata ana, kua tosi olatou igoa, na kaku loa ki le fenua i le sau a Esekiasi i Suta ; na lotou taui loa a falela o le sakoga o Sami mo le kau Maoni ala na nonofo i ai, ti na lotou tamate le kakai o puli ai o kaku mai ki le aso nei, kae na lotou nonofo loa i olatou nofoaga, talie na maua i ai se mutie ki alatou kau manu.

Lua tosi o Koloniko 26:10

Na fakatuu loa e ia ni tule i le toafa, ti na kenu loa e ia ni sosoni mauke, talie na maua e ia ni kau manu lasi i vaivailiua mo le laumalie o le fenua, mo ni kau tagata gaoi kele mo gaoi vite i mauga o Kalemelo, talie na fia fai a ia ki le gaoi kele.

Lua tosi o Koloniko 28:18

Na fai loa e le kau Filisitini se ulu tau ki kolo i le laumalie mo le potu saute o Suta ; na lotou too loa Pete-Semesi, mo Asaloni, mo Keteloti, mo Soko mo kolo ala na fakalogo ki ai, mo Timena mo kolo ala na fakalogo ki ai, mo Kimeso mo kolo ala na fakalogo ki ai, ti na lotou nonofo loa i ai.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 5:2

Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Tetelonome 2:23

Ko le kau Avi, ala na nonofo i kolo liliki o le fenua ko Kasa, na maumaui loa e le kau Kafetolimi, kakai na ifo meia Kafetoli, ala na nonofo loa i lolatou fenua.

Sosue 15:47

mo Asetoti, mo ona kolo ala na fakalogo ki ai, ti mo ona kolo liliki o kaku ki le liua o Esipito, leia ko le koiga.