Lua tosi o Sau 18:31 - Tosi Tapu

³¹ Aua na kotou fakalogo kia Esekiasi : talie ko leinei le masau a le sau o Asilia : Kotou fai se fakamalie kiate au ki se nea alofa, ti kotou ulu mai ki fafo kiate au, ti e kotou tasi kai loa lana vite mo lana fiki, ti e kotou tasi inu loa le vai o lona sosoni,

Lua tosi o Sau 18:31 ပူးပေါင်းရင်းမြစ်များ

Senesi 32:20

Ti e kotou toe pati loa : Ko leinei lau tagata fakasausau ko Sakopo e au i omatou muli. Talie na pati loa Sakopo : E kau fakafimalie loa lona loto ki le moliga lena e ave i oku mua. Ti ka kau tio loa ki ona mata, e lagi tali malie loa e ia au.

Senesi 33:11

Koia tali ai laku moliga kua fai atu kiate koe, talie kua fakaapele au e le Atua ki ona kalasia, ti e leaise nea fua e puli kiate au. I le kole fakamakeke a Sakopo kia Esau, na tali loa e Esau lana kole.

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Uluaki tosi o Sau 4:25

Na nofo Suta mo Iselaele, mei Tane o kaku ki Peele-Sepa, i le tokamalie, ti na tasi tokaga le tagata ki lana vite mo lana fiki, i le temi katoa o Salomone.

Uluaki tosi o Sau 5:5

Ko leinei, e kau manatu ke fakatuu se fale ki le suafa o le Eteleno, loku Atua, ofaipe le nea kua fakasa e le Eteleno kia Tavite, loku tamana, o pati : Ko lou vosa leia ka kau tuku loa ki lou ekeekeaga fakasau o fetogi a koe, ko ia leia e laga ia loa se fale ki loku suafa.

Lua tosi o Sau 18:30

Ke aua na taki koutou e Esekiasi ke tuku lakoutou fanaki ki le Eteleno, o pati : E saofaki loa tatou e le Eteleno, ti e leaise tuku loa le kolo leinei ki lima o le sau o Asilia.

Taagapati 18:16

Ko nea alofa a se tagata e fakalaulasi ia le ala kiate ia, Ti e fakamavaa ia kiate ia le ala ki tafa o le kau lalasi.

Taagapati 27:18

Ko leia e tokaga ki lona fiki e kai loa ki lona fua, Ti ko leia e tausi ki lona pule e fakamauiga loa.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Sakalia 3:10

Talie e folafola le Eteleno o kau tau, o pati : I le aso lena e kotou fefakaafeaki loa i lalo o le vite ti mo lalo o le fiki.