Lua tosi o Sau 18:29 - Tosi Tapu

²⁹ Ko leinei le masau a le sau : Ke aua na kakaai koutou e Esekiasi, talie e leaise mafai loa ke saofaki e ia koutou mei loku lima.

Lua tosi o Sau 18:29 ပူးပေါင်းရင်းမြစ်များ

Lua tosi o Sau 18:28

Ti na toe soso ake loa Lapesake, o kalaga leo lasi i le masau fakasutea, o pati : Kotou fakalogo mai ki le masau a le sau lasi, le sau o Asilia !

Lua tosi o Sau 18:30

Ke aua na taki koutou e Esekiasi ke tuku lakoutou fanaki ki le Eteleno, o pati : E saofaki loa tatou e le Eteleno, ti e leaise tuku loa le kolo leinei ki lima o le sau o Asilia.

Lua tosi o Koloniko 32:11

Pe leaise fakavalevale Esekiasi kia koutou ke tuku koutou ke mamate i le fia kai mo le fia inu, o pati : E saofaki loa tatou e le Eteleno, lotatou Atua mei le lima o le sau o Asilia ?

Lua tosi o Koloniko 32:15

Ke aua na kakaai koutou e Esekiasi, ti ke aua na fakasese koutou e ia ; aua na kotou fanaki kiate ia ! Talie e leaise atua, pe ko se puleaga, pe ko se fenua, na mafai ke saofaki ia lona kakai mei loku lima, mo le lima o oku tamana : Ko ai ake loa lokoutou Atua, ke saofaki ia koutou mei loku lima !

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.