Lua tosi o Sau 18:26 - Tosi Tapu

²⁶ Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Lua tosi o Sau 18:26 ပူးပေါင်းရင်းမြစ်များ

Lua tosi o Sau 18:18

Na lotou kalagai loa le sau ; ti na ulu mai loa ki fafo kia latou Eliakimi, vosa o Ilekisa, pule o le fale o le sau mo Sepena, le sekalaipe, mo Soake, vosa o Asafe, le tagata fakafofoga a le sau.

Lua tosi o Sau 18:25

Ko le tasi a nea : Pe se ko le finegalo leinei o le Eteleno ke kau pale mai o taui le ganea leinei ? Na pati mai le Eteleno kiate au : Pale o taui le fenua lena, ti ke maumaui a ia.

Lua tosi o Sau 18:27

Na tali loa Lapesake kia latou : Pe na kakau mai au e loku pule o fakasa a masau anei ki lou pule mo koe ? Pe na leaise kakau mai au ke fakasa a masau anei ki tagata ana e nonofo i le paa o kai olatou faikauga mo inu olatou livai mo koutou ?

Lua tosi o Sau 18:37

Ti na au loa kia Esekiasi a Eliakimi, vosa o Ilekisa, pule o le fale o le sau, mo Sepena, le sekalaipe, mo Soake, vosa o Asafe, le tagata fakafofoga o le sau, mo olatou teu kua sae, o fakamatala kiate ia a masau a Lapesake.

Esetalasi 4:7

I le sau o Aletasese, na fai loa e Piselame, mo Miteletate, mo Tapeele, ti mo la ake olatou fetaina, se tosi kia Aletasese, sau o Pelesi. Na fai le tosi i le fai tosi fakaalamea ti mo le masau fakaalamea.

Esaia 22:15

Ko leinei le pati a le Aliki, le Eteleno o kau tau : Ano le tagata tausi koloa lena, Kia Sepa, kovana o le fale sau :

Taniela 2:4

Ti na tali loa le kau Kaletea ki le sau i le masau fakaalamea : Ei sau, ke ke mauli o lee gato ! Fakamatala mai le moe miti ki au tagata fakasausau, ti e motou fakasa atu loa kiate koe lona uiga.