Lua tosi o Sau 18:25 - Tosi Tapu

²⁵ Ko le tasi a nea : Pe se ko le finegalo leinei o le Eteleno ke kau pale mai o taui le ganea leinei ? Na pati mai le Eteleno kiate au : Pale o taui le fenua lena, ti ke maumaui a ia.

Lua tosi o Sau 18:25 ပူးပေါင်းရင်းမြစ်များ

Uluaki tosi o Sau 13:18

Ti na pati loa le tagata kiate ia : Ko se polofeta foki au ofaipe koe ; ti na masau mai se aselo kiate au mei le Eteleno, o pati : Ano o aumai a ia mo koe ki lou fale, ti ke kai e ia se pane mo inu e ia se vai. Na loi a ia kiate ia.

Lua tosi o Sau 18:24

E fefeaki loa lau fakafoki se pule fua e tasi i tagata fakasausau a loku pule ? E ke fanaki ki Esipito ki saliote mo kau tagata ekeosi.

Lua tosi o Sau 18:26

Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Lua tosi o Sau 19:6

Ti na pati loa Esaia kia latou : Ko leinei le nea leia e kotou fakasa loa ki lokoutou pule : Ko leinei le folafola a le Eteleno : Aua na ke i ki masau ala na ke logo ki ai, ala na lauveli ai kiate au a tagata fakasausau a le sau o Asilia.

Lua tosi o Sau 24:3

Na soko loa le nea lena i le fakatotonu a le Eteleno, leia na loto ke too a Suta mei ona mua, o tupu ko agasala fuli ala na fai e Manase,

Lua tosi o Koloniko 35:21

ti na kakau loa e Neko ni tagata avelogo ke pati kiate ia : Sau o Suta, kolea e ke au ai kiate au ? E leaise ko koe leia e kau au ki ai i le aso nei ; e kau pale ke taui se fale leia e veliveli mo au. Ti kua pati mai le Atua kiate au ke kau fakavilivili. Aua na ke fakafesagai ki le Atua, leia e kau mo au, talie na maumaui loa e ia a koe.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?