Lua tosi o Sau 18:18 - Tosi Tapu

¹⁸ Na lotou kalagai loa le sau ; ti na ulu mai loa ki fafo kia latou Eliakimi, vosa o Ilekisa, pule o le fale o le sau mo Sepena, le sekalaipe, mo Soake, vosa o Asafe, le tagata fakafofoga a le sau.

Lua tosi o Sau 18:18 ပူးပေါင်းရင်းမြစ်များ

Lua tosi a Samuele 20:24

Na pule Atolame ki tukusau ; na pule Sosafate, vosa o Asilute, ki tosi o le puleaga ;

Uluaki tosi o Sau 4:3

mo Eliolepe ti mo Akisa, vosa o Sisa, na sekalaipe. Ko Sosafate, vosa o Asilute, na fakafofoga o le sau.

Lua tosi o Sau 18:26

Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Lua tosi o Sau 18:37

Ti na au loa kia Esekiasi a Eliakimi, vosa o Ilekisa, pule o le fale o le sau, mo Sepena, le sekalaipe, mo Soake, vosa o Asafe, le tagata fakafofoga o le sau, mo olatou teu kua sae, o fakamatala kiate ia a masau a Lapesake.

Lua tosi o Sau 19:2

Na kakau loa e ia Eliakimi, pule o le fale o le sau, mo Sepena, le sekalaipe ti mo le kau ulumatua o kau tagata faisakilifisio kia Esaia, le polofeta, vosa o Amote. Na lotou kofu loa ki ni taga.

Lua tosi o Koloniko 34:8

I le fetuu kau agafulu tupu valu o lana sau, i le oki o lana fakamea le fenua mo le fale tapu, na kakau loa e ia a Safani, vosa o Atesalia, mo Maasesa, pule o le kolo, mo Soake, vosa o Soakase, le fakafofoga o le sau, ke lotou fakafoou le fale o le Eteleno, lona Atua.

Esaia 33:7

Ko leinei, le kau toa E fai ia ni kalaga i fafo ; Ko tagata avelogo o le tokamalie E fetagisi fakaveliveli ai.

Esaia 36:22

Ti na ano loa Eliakimi, vosa o Ilekisa, le pule o le fale o le sau, mo Sepina, le sekalaipe, ti mo Soake, vosa o Asafe, le pule tosi, kia Esekiasi mo olatou teu kua sae, ti na lotou fakamatala loa kiate ia a masau a Lapesake.

Esaia 36:3

Ti na ano loa kiate ia a Eliakimi, vosa o Ilekisa, le pule o le fale o le sau, mo Sepena, le sekalaipe, ti mo Soake, le vosa o Asafe, le tagata taupau tosi.

Esaia 37:2

Na kakau loa e ia Eliakimi, le pule o le fale o le sau, mo Sepina, le sekalaipe, ti mo le kau matua i le kau tagata faisakilifisio ki le polofeta ko Esaia, vosa o Amotesito. Na lotou kofu fuli ki ni taga.