Lua tosi o Sau 18:17 - Tosi Tapu

¹⁷ Na kakau loa e le sau o Asilia mei Lakisi ki Selusalemi, ki le sau ko Esekiasi, a Taletane, mo Lape-Salise ti mo Lapesake mo se solia makeke ai. Na lotou pale loa o kaku ki Selusalemi. I lalatou kaku ki ai, na lotou tutuu loa i tafa o le aleso leia e taki ia le vai ki le fa tane aluga, i le ala ki le faisaga o le tagata fai fo.

Lua tosi o Sau 18:17 ပူးပေါင်းရင်းမြစ်များ

Lua tosi o Sau 14:19

Na fono loa i Selusalemi ke tamate a ia, ti na sola loa a ia ki Lakisi ; kae na tuli loa a ia i Lakisi, o tamate.

Lua tosi o Sau 18:16

Ko le temi a ia na too ai loa e Esekiasi, sau o Suta, ke ave ki le sau o Asilia, a laui aulo ala na aofi ai e ia a matapa mo kau matapa o le fale tapu o le Eteleno.

Lua tosi o Sau 19:23

I au tagata avelogo kua ke nukinuki ki le Aliki, Ti na ke pati : O tupu ko le lasi o aku saliote, Kua kau kava ki le tumutumu o mauga, Ki loto malie o Lipane, E kau sele loa a sete taualuga fuli, Ona sipele fulumalilie fuli, Ti e kau kaku loa ki le tumutumu o le laakau fakaoki, Ti mo lona vaomatua leia e tatau mo se oloto laakau fua ;

Lua tosi o Sau 19:6

Ti na pati loa Esaia kia latou : Ko leinei le nea leia e kotou fakasa loa ki lokoutou pule : Ko leinei le folafola a le Eteleno : Aua na ke i ki masau ala na ke logo ki ai, ala na lauveli ai kiate au a tagata fakasausau a le sau o Asilia.

Lua tosi o Sau 20:20

Ko le toe o gaoi a Esekiasi, ana gaoi lalasi fuli, mo lana fai le fa tane vai mo le takiaga vai ki le kolo, pe leaise tosi a ia i le tosi fakamatala ki sau o Suta ?

Lua tosi o Koloniko 12:4

Na too loa e ia a kolo tau o Suta ti na pale loa a ia o kaku ki Selusalemi.

Lua tosi o Koloniko 32:9

I le oki o le nea lena, na kakau loa e Sanekelipe, sau o Asilia, ana tagata fakasausau ki Selusalemi, kae na nofo loa a ia i mua o Lakisi mo lana solia makeke katoa ; na kakau loa e ia latou kia Esekiasi, sau o Suta, mo latou fuli o Suta ala na nonofo i Selusalemi, ke pati kia latou :

Esaia 20:1

I le fetuu leia na ano ai Taletane, leia na kakau e Salekoni, sau o Asilia, o taui a Asetoti o too,

Esaia 36:2

Na kakau loa e le sau o Asilia mei Lakisi ki Selusalemi, ki le sau ko Esekiasi, a Lapesake mo se fa solia makeke. Na tuu loa Lapesake i le takiaga vai o le fa tane aluga, i le ala leia e ano ki le fakaifoifo.

Esaia 7:3

Ti na pati loa le Eteleno kia Esaia : Ano o fakafetaulaki kia Akase, a koe mo lou vosa ko Seale-Sakupe, i le gatoaga o le tafeaga vai ki le fa tane aluga, i le ala lasi ki le ganea fakaifoifo.