Lua tosi o Sau 17:9 - Tosi Tapu

⁹ Na fai fakafufu loa e fanau a Iselaele ki le Eteleno, lolatou Atua, ni nea ala e leaise malie. Na lotou fakatuu loa kia latou ni ganea taualuga i olatou kolo fuli, mei tule leo o kaku ki kolo tau.

Lua tosi o Sau 17:9 ပူးပေါင်းရင်းမြစ်များ

Lua tosi o Sau 18:8

Na tamate loa e ia le kau Filisitini o kaku ki Kasa, ti na maumaui loa e ia lolatou fenua mei ona tule leo o kaku ki kolo tau.

Sopo 31:27

Ti kapau na sese loku loto, Ti na kau atolasio fakafufu ki nea ana ofaipe ni atua ;

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 8:12

Na pati mai loa a ia kiate au : Vosa o le tagata, pe kua ke tio ki le nea leia e fai fakafufu e le kau matua o le fale o Iselaele, e le tagata taki toka tasi i lona kogafale leia kua apele i taulaatua ? Talie e lotou pati : e leaise tio mai le Eteleno kia tatou, ti kua tiaki e le Eteleno le fenua.

Oseo 12:11

Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 29:25

Ti e tali loa : E tupu na lotou tiaki le sai leia na fakamaoki mo latou e le Eteleno, Atua o olatou tamana, i le aso leia na fakamavae ai e ia latou mei le fenua o Esipito.