Lua tosi o Sau 17:8 - Tosi Tapu

⁸ Na lotou muli loa i agai fenua a puleaga ala na kapu e le Eteleno i mua o fanau a Iselaele, ti mo agai fenua ala na fakatupu e sau o Iselaele.

Lua tosi o Sau 17:8 ပူးပေါင်းရင်းမြစ်များ

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Uluaki tosi o Sau 21:26

Na fai e Akapo le nea leia na toe fakalialia lasi ake, o ano a ia o atolasio ki taulaatua ofaipe le kau Amole, ala na kapu e le Eteleno i mua o fanau a Iselaele.

Lua tosi o Sau 16:10

Na ano loa le sau ko Akase ki Tamaso ki mua o Tikalate-Pilesele, sau o Asilia. I le tio loa a Akase ki le aletale leia na tuu i Tamaso, na fakamomoli loa e ia ki le tagata faisakilifisio ko Uli le paaki o le aletale lena.

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 17:19

Ti na leaise taupau foki e Suta totonu a folafola a le Eteleno, lona Atua, kae na lotou mulimuli ki agai fenua ala na fakatuu e Iselaele.

Lua tosi o Sau 17:40

Kae na leaise lotou fakalogo fua, o lotou muli i alatou aga masani.

Lua tosi o Sau 21:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Pesalemo 106:35

Na lotou fefiloaki loa mo atu puleaga, Ti na lotou ako loa alotou gaoiaga.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Selemia 10:2

E folafola le Eteleno, o pati : Aua na kotou faifaitaki ki ala o atu puleaga, Aua na kotou i ki fakamailoga o le lagi, O tupu e i a atu puleaga kia latou.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Oseo 5:11

Kua fakamakeke Efalaimi, kua fatii a ia e le tautea, Talie na mulimuli a ia ki manatu noa o lona loto.

Levitiko 18:3

Ke aua na kotou fai loa le nea leia e fai i le fenua o Esipito, leia na kotou nofo ai, ti ke aua na kotou fai loa le nea leia e fai i le fenua o Kanaane leia e kau ave koutou ki ai : Ke aua na kotou mulimuli loa ki alatou aga fakafenua.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Tetelonome 18:9

Ka ke ulu loa ki le fenua leia e soli kiate koe e le Eteleno, lou Atua, aua na ke ako loa le fakatautau o nea fakalialia a puleaga ana.