Lua tosi o Sau 17:7 - Tosi Tapu

⁷ Na soko loa le nea lena o tupu na agasala aifai a fanau a Iselaele ki le Eteleno, lolatou Atua, leia na fakamavae ia latou mei le fenua o Esipito, mei le lima o Falaone, sau o Esipito, ti toe tupu na lotou tausi ki ni atua kese.

Lua tosi o Sau 17:7 ပူးပေါင်းရင်းမြစ်များ

Uluaki tosi o Sau 11:4

I le temi matua o Salomone, na fakatafoki loa e ona avaga lona loto ki ni iki ake atua ; ti na leaise katoa loa lona loto ki le Eteleno, lona Atua, ofaipe le loto o Tavite, lona tamana.

Uluaki tosi o Sau 15:3

Na fai loa e ia a agasala fuli ala na fai e lona tamana i mua iate ia ; ti na leaise tuku katoa loa e ia lona loto ki le Eteleno, lona Atua, ofaipe le tuku e Tavite, lona tamana, lona loto ki le Eteleno.

Lua tosi o Sau 16:2

Na sau Akase i lona fetuu kau lua, ti na sau loa a ia i fetuu e kau agafulu tupu ono i Selusalemi. Na leaise fai loa e Akase le nea leia e totonu ki mata o le Eteleno, lona Atua, ofaipe le agatonu o Tavite, lona tamana.

Lua tosi o Sau 17:35

Na fai e le Eteleno se sai mo latou, ti na tuku e ia kia latou le fakatotonu leinei : E leaise kotou i loa ki ni iki ake atua ; e leaise kotou punou loa i olatou mua, e leaise kotou tausi loa kia latou, ti e leaise kotou momoli loa kia latou ni sakilifisio.

Uluaki tosi o Koloniko 5:25

Kae na lotou agasala loa ki le Atua o olatou tamana, ti na lotou faiaga loa ki atua o le kakai o le fenua, ala na maumaui e le Atua i olatou mua.

Lua tosi o Koloniko 36:5

Na sau Sosakimi i lona fetuu kau lua tupu lima, ti na sau loa a ia i fetuu e kau agafulu tupu tasi i Selusalemi. Na fai loa e Sosakimi le nea leia e veli ki mata o le Eteleno, lona Atua.

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Pesalemo 78:12

I mua olatou tamana na fai e ia ni nea fakatalatupua I le fenua o Esipito, i toafa o Tesoane.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Selemia 10:5

E fai a atua ana pe se pou fualasi, ti e leaise lotou masau fua ; E amo latou, talie e leaise mafai ke lotou saele. Aua na kotou i kia latou, talie e leaise lotou poto fua i le fai o se nea veli e tasi, Ti e leaise lotou mafai ia fua le fai o se nea malie.

Esekiele 39:24

Na kau tautea latou o mulimuli ki alatou aga fakalialia mo alatou agasala, Ti na kau fufu kia latou oku mata.

Oseo 12:14

I se polofeta na fakamavae loa e le Eteleno Iselaele i Esipito, Ti na taupau loa Iselaele e se polofeta.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 4:13

Kua lotou fai ni failaulau i tumutumu o mauga, Kua lotou tutu le iseso i aluga o mauga liliki, I lalo o laakau lalasi, mo sene, mo popelie, mo telepate, Ala e malie olatou malu. Koia leia e faifeauaki ai okoutou taineliki, Ti e tono tagata okoutou fugao.

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Tuifakamaau 6:10

Na kau pati kia koutou : Ko au ko le Eteleno, lokoutou Atua : Ke aua na kotou fakaapaapa loa ki atua o le kau Amole i lolatou fenua leia ka kotou nofo ai loa. Kae na leaise kotou fakalogo loa ki loku leo.