Lua tosi o Sau 17:6 - Tosi Tapu

⁶ I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 17:6 ပူးပေါင်းရင်းမြစ်များ

Senesi 10:2

Ko vosa o Safeti : Ko Komele, mo Makoke, mo Matai, mo Savani, mo Tupale, mo Meseke, mo Tilasi.

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 18:34

Kofea atua o Amati mo Alepati ? Kofea atua o Sefalevaimi, mo Ena, ti mo Iva ? Pe na lotou saofaki Samalia mei loku lima ?

Lua tosi o Sau 19:12

Pe na saofaki e atua o atu puleaga a puleaga ana na maumaui e oku tamana, a Kosani, mo Salani, mo Letisefi, ti mo vosa o Eteni, ala e nonofo i Telasa ?

Lua tosi o Sau 21:13

E kau maumaui loa Selusalemi ofaipe laku maumaui Samalia mo le famili o Akapo ; e kau fufulu loa Selusalemi ofaipe se pa leia e fufulu, ti e fakapulou i le oki o lona fufulu.

Uluaki tosi o Koloniko 5:22

talie na lasi ai a mate, o tupu na au le tau mei le Atua. Ti na lotou nonofo loa i nofoaga o le kau Akale o kaku ki le temi leia na ave popula ai loa latou.

Uluaki tosi o Koloniko 5:26

Na eke fakamakeke loa le Atua o Iselaele le loto o Pulu, sau o Asilia, mo le loto o Tilekate-Pilenesele, sau o Asilia, ti na ave popula loa e Tilekate-Pilenesele a vosa o Lupeni, mo vosa o Kate, mo le vaelua o vosa o le faasiga o Manase, ti na taki loa e ia latou ki Salaki, mo Sapole, mo Ala, ti mo le vaitafe o Kosani, leia na lotou nonofo ai loa o kaku mai ki le aso nei.

Esetalasi 6:2

Ti na maua loa i Akemeta, kolo mua o le fenua o Meti, se takaiga tosi leia na tosi ai le nea leinei :

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Esaia 10:9

Pe na leaise fai fakatatau ki Kaleno mo Kalekemisi ? Pe na leaise fai fakatatau ki Amati mo Alepati ? Pe na leaise fai fakatatau ki Samalia mo Tamaso ?

Esaia 13:17

Ko leinei, e kau lagai loa kia latou le kau Meti, Ala e leaise tokaga fua ki le paaga, Ti e leaise manumanu fua ki le aulo.

Esaia 17:4

I le aso lena, e gaegae loa le kololia o Sakopo, Ti e puli loa le gako o lona tino.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 36:17

O kaku ki le aso leia e kau au ai loa, o ave koutou ki se fenua leia e tatau mo lokoutou fenua, ki se fenua o le fulumeto mo le vino, ki se fenua o le pane mo le vite.

Esaia 36:19

Kofea a atua o Amati mo Alepati ? Kofea a atua o Sefalevaimi ? Pe na lotou saofaki Samalia mei loku lima ?

Esaia 37:18

E maoki, ei Eteleno, na maumaui e sau o Asilia a fenua fuli ti mo lolatou fenua totonu,

Esaia 8:4

Talie i mua o le poto o le toe i le pati : Loku tamana ! loku tinana ! e ave loa a koloa o Tamaso mo koloa o Samalia ki le sau o Asilia.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Taniela 5:28

Vae : kua vae lou puleaga, ti kua soli a ia ki le kau Meti mo le kau Pelesi.

Oseo 1:4

Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 1:9

Ti na pati loa le Eteleno : Soli kiate ia le igoa ko Loami ; talie e leaise ko loku kakai koutou, ti e leaise ko lokoutou Atua au.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 8:8

Kua folo Iselaele ! Kua lotou nofo i le temi nei i loto malie o atu puleaga Ofaipe se ipu leia e leaise mauiga.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Levitiko 26:38

E kotou mamate loa i atu puleaga, o kai loa koutou e le fenua o okoutou fili.

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 30:18

e kau fakasa kia koutou i le aso nei e kotou mamate loa, ti e leaise kotou tologa loa i le fenua leia e kotou ano loa o maua tofiga, mo ka kotou fakalaka loa i le Solotane.