Lua tosi o Sau 17:27 - Tosi Tapu

²⁷ Na tuku loa e le sau o Asilia le fakatotonu leinei : Kotou ave ki ai se tasi o le kau pelepitelo leia na kotou aumai fakapopula mei ai ; ke ano a ia o nofo i ai, ti ke ako e ia kia latou le tausi ki le Atua o le fenua.

Lua tosi o Sau 17:27 ပူးပေါင်းရင်းမြစ်များ

Uluaki tosi o Sau 12:31

Na fakatuu loa e Selopoamo se fale i se potu taualuga, ti na fakatupu loa e ia ni tagata faisakilifisio ala na filifili mei le kakai ti na leaise kau ki vosa o Levi.

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Lua tosi o Sau 17:26

Na pati loa ki le sau o Asilia : E leaise iloa e puleaga ala na ke aumai ke nonofo i kolo o Samalia le tausi ki le Atua o le fenua, koia leia na kakau mai e ia kia latou ni laione ala na tamate ia latou, talie e leaise lotou iloa le tausi ki le Atua o le fenua.

Lua tosi o Sau 17:28

Na au loa se tasi o le kau pelepitelo leia na aumai fakapopula mei Samalia o nofo i Petele, ti na ako loa e ia kia latou le fakaapaapa ki le Eteleno.

Lua tosi o Koloniko 11:15

Na fakanofo loa e Selopoamo ni tagata faisakilifisio ki ganea taualuga, ki koti tagata mo pipi muli ala na lotou fai.

Esetalasi 7:25

Ti ko koe, Esetalasi, o mulimuli ki le poto o le Atua leia e nofo mo koe, fakanofo ni tui fakamaau mo ni tagata o le lao ala e fakamaau ia i le faitotonu le kakai katoa o le fetuu lena o le vaitafe, mo latou fuli ala e iloa ia a lao o lou Atua ; ti ke ako latou ke iloa e latou ala e leaise iloa ia latou.

Tuifakamaau 17:13

Ti na pati loa Mika : I le aso nei, e kau iloa e tapuaki loa le Eteleno kiate au, talie kua kau nofo mo se tagata Levi ke fai ia ni sakilifisio kiate au.