Lua tosi o Sau 17:18 - Tosi Tapu

¹⁸ Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:18 ပူးပေါင်းရင်းမြစ်များ

Uluaki tosi o Sau 11:13

Kae e leaise kau saei loa le puleaga katoa ; e kau tuku loa se faasiga e tasi ki lou vosa, o tupu ko Tavite, laku tagata fakasausau, ti mo Selusalemi, leia na kau aga o filifili.

Uluaki tosi o Sau 11:32

Kae e maua loa e Salomone se faasiga e tasi, o tupu ko laku tagata fakasausau ko Tavite, ti mo Selusalemi, le kolo leia kua kau aga o filifili i faasiga fuli o Iselaele.

Uluaki tosi o Sau 11:36

kae kau tuku loa se faasiga e tasi ki lona vosa, o tupu ke maua tuumau e Tavite, laku tagata fakasausau, sona sakoga ke sau i oku mua i Selusalemi, le kolo leia kua kau filifili ke tuku ai loku suafa.

Uluaki tosi o Sau 12:20

I le iloa loa e Iselaele katoa kua toe liliu mai Selopoamo, na lotou kalagai loa a ia ki le fakatasi, ti na lotou fakanofo loa a ia ke sau ki Iselaele katoa. Na gato tasi ki le faasiga o Suta na muli loa i le fale o Tavite.

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 21:14

E kau tiaki loa le toetoega o loku tofiga, ti e kau tuku loa latou ki lima o olatou fili ; ti e lotou liliu loa ko le koloa tau mo le nea kai o olatou fili fuli,

Lua tosi o Sau 23:27

Ti na pati loa le Eteleno : E kau toe sau foki mo Suta mei oku mua ofaipe laku sau Iselaele, ti e kau tiaki loa le kolo leinei ko Selusalemi leia na kau filifili, ti mo le fale leia na kau pati ki ai : E kau agai loa i ai.

Lua tosi o Sau 24:3

Na soko loa le nea lena i le fakatotonu a le Eteleno, leia na loto ke too a Suta mei ona mua, o tupu ko agasala fuli ala na fai e Manase,

Pesalemo 51:13

Aua na ke tiaki au o mamao i ou mata, Aua na ke too iate au lou Laumalie maokioki.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 52:3

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na agatuu loa Setesiasi ki le sau o Papilone.

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Oseo 12:3

E valoki foki e le Eteleno a Suta, Ti e tautea loa e ia Sakopo o fakatatau ki lana aga, E totogi loa e ia kiate ia o mulimuli ki ana gaoi.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Tetelonome 32:20

Koia na pati ai loa e ia : E kau fufu loa oku mata kia latou, Ti e kau tio loa pe kolea le nea leia ka soko loa kia latou ; Talie ko se tautupu agatuu, Ko ni vosa ala e leaise feala ke fanaki ki ai.

Sosue 23:13

ke kotou iloa fakapapau e leaise toe kapu loa e le Eteleno, lokoutou Atua, a puleaga ana i okoutou mua ; kae e liliu loa a puleaga ana kia koutou ko ni kupega mo ni masele, ko ni fue i okoutou vakavaka, ko ni laakau talatala i okoutou mata, o kaku ki lokoutou pupuli loa i le fenua malie leia na soli atu kia koutou e le Eteleno, lokoutou Atua.

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.

Tuifakamaau 18:30

Na fakatuu loa e vosa o Tane le fakatata ta leia na fai e Mika, ke liliu ko lolatou atua. Ti ko Sonata, vosa o Kelesoni, vosa o Manase, a ia mo ona vosa, na liliu loa ko tagata faisakilifisio ki le faasiga o Tane, o kaku ki le temi leia na ave ai loa le kakai o fakapopula.