Lua tosi o Sau 17:17 - Tosi Tapu

¹⁷ Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 17:17 ပူးပေါင်းရင်းမြစ်များ

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 17:11

Na lotou tutu loa i ganea ana ni nea fakamanogi, o tatau mo puleaga ala na kapu e le Eteleno i olatou mua, ti na lotou fai loa ni nea veveli, ke lotou fakatupu ai le ita o le Eteleno.

Lua tosi o Sau 17:31

ti na fai loa e le kakai o Ava le fakatata o Nipesasi mo Taletake ; na tutu loa e le kakai o Sefalevaimi alatou fanau kia Atelameleke mo Anameleke, atua o Sefalevaimi.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 19:5

Kua lotou fakatuu ni ganea taualuga kia Paale, Ke tutu ai alatou fanau i le afi ko ni failaulau kia Paale : Na leaise kau fakatotonu le nea lena, na e tosi a ia, Ti na leaise ake a ia i laku fakakaukau.

Selemia 25:7

Kae na leaise kotou fakalogo mai kiate au, e pati le Eteleno, ke fakatupu ai loku sausau ki le gaoiaga o okoutou lima, ki lokoutou malaia.

Selemia 27:9

Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Esekiele 16:21

Na ke tamate oku vosa, ti na ke soli latou ke fakalaka i le afi ma latou !

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Esekiele 23:37

Na la fai ni tono, ti e i ai se toto i ola lima : Na la fai ni tono mo ola taulaatua ; Ti ko fanau ala na la fanaui kiate au, Na la fakalaka latou i le afi ke kai e taulaatua.

Esekiele 23:39

Na la momoli ola fanau ki ola taulaatua, Ti na la ano i le aso totonu lena ki loku sagatualio O fakakelekele a ia. Ko lena le nea leia na la fai i loku fale.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Levitiko 19:26

Aua na kotou kai loa se nea mo se toto. Aua na kotou vavakai loa a gata, pe ko ao ke kotou maua mei ai ni kikite.

Levitiko 19:31

Aua na kotou maliu loa kia latou ala e masau ki laumalie o le kau mate, pe ko le kau kikite ; aua na kotou afa loa latou, talie na kotou kelekele loa mo latou. Ko au ko le Eteleno, ko lokoutou Atua.

Mikea 5:12

E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

Gaoi 16:16

I lamatou ano ki le ganea faikole, na au loa o fakafetaulaki mai kia matou se taine fakasausau leia na nofo ai se temonio faikikite, ti na lasi ai a koloa na maua e ona pule iate ia, i lana faikikite loi.

Loma 7:14

Io, e tou iloa ko le lao e fakalaumalie ; kae ko au, e kau kanofi, ti kua fakatau au ke popula ki le agasala.

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 4:25

Ka kotou nonofo loa i le fenua o le fakapapau o fualoa, ti ka kotou maua loa ni fanau mo ni makopuna, ti kapau e kotou vilo loa ki le agasala, o fai loa ni fakatata ta, pe ko ni fakatata paaki, pe ko ni nea ala e veli ki le Eteleno lokoutou Atua, ke tupu ai lona sausau,