Lua tosi o Sau 17:15 - Tosi Tapu

¹⁵ Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Lua tosi o Sau 17:15 ပူးပေါင်းရင်းမြစ်များ

Uluaki tosi o Sau 11:11

Na pati loa le Eteleno kia Salomone : Talie na ke fai fenaaki, ti na leaise ke fai ki laku sai mo aku lao ala na kau tuku atu kiate koe, e kau saei maoki loa le puleaga meiate koe, ti e kau soli loa a ia ki lau tagata fakasausau.

Uluaki tosi o Sau 16:13

o tupu ko agasala fuli ala na fai e Paesa mo Ela, lona vosa, ti na la fakaagasalai ai Iselaele, o fakatupu ai le sausau o le Eteleno, le Atua o Iselaele, ki olatou taulaatua.

Lua tosi o Sau 17:8

Na lotou muli loa i agai fenua a puleaga ala na kapu e le Eteleno i mua o fanau a Iselaele, ti mo agai fenua ala na fakatupu e sau o Iselaele.

Lua tosi o Koloniko 24:19

Na kakau loa e le Eteleno kia latou ni polofeta ke toe aumai latou kiate ia, kae na leaise lotou fakalogo loa ki valoki ala na lotou fai kia latou.

Lua tosi o Koloniko 33:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:9

Kae o tupu ko Manase, na sese loa Suta mo le kakai o Selusalemi, o fai le nea leia e veli o lasi ake foki i puleaga ala na maumaui e le Eteleno i mua o fanau a Iselaele.

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Pesalemo 115:8

E lotou tatau mo taulaatua, latou ala e fau ia latou Latou fuli ala e fanaki ki taulaatua.

Pesalemo 78:10

Na leaise lotou taupau loa le sai a le Atua, Ti na lotou fakafiti loa ke saele o mulimuli ki lana lao.

Ekesote 16:28

Ti na pati loa le Eteleno kia Moisese : E tuku loa afea lakoutou patigataa ki aku fakatotonu mo aku lao ?

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 2:5

E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 44:23

E tupu kua kotou tutu le iseso ti kua kotou agasala ki le Eteleno, talie na leaise kotou fakalogo ki le leo o le Eteleno, ti na leaise kotou taupau lana lao, mo ana fakatotonu, mo ana pelesepeto, koia leia kua soko ai a malaia ana kia koutou, ofaipe le nea kua kotou tio ki ai i le aso nei.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 44:8

Kolea e kotou fakatupu ai loku sausau ki gaoiaga o okoutou lima, o kotou momoli le iseso ki ni iki ake atua kese i le fenua o Esipito, leia kua kotou ano o nonofo i ai, ke tupu ai lokoutou mamate ti ke kotou liliu ai ko se nea fakatupu lauveli mo fakalumaluma i puleaga fuli o le kele ?

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 2:3

Na pati mai loa a ia kiate au : Vosa o le tagata, e kau kakau a koe ki fanau o Iselaele, ki kakai fakatutuu ana, ala na agatuu kiate au ; kua lotou agasala kiate au, latou mo olatou tamana, o kaku mai ki le aso leinei e tou nofo ai.

Levitiko 26:15

Ti kapau e kotou tiaki loa aku fakatotonu, ti kapau e vesia loa okoutou laumalie ki aku fakatotonu, o leaise kotou mulimuli loa ki aku folafola fuli ti e kotou motusi loa laku sai,

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Soane 2:8

Na pati loa a ia kia latou : Kotou asu, o ave ki le pule o le kai. Ti na lotou ave loa a ia kiate ia.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Tetelonome 29:24

e pati loa puleaga fuli ana : Kolea na fai fenaaki ai e le Eteleno ki le fenua leinei ? Kolea kua veli fenaaki ai le sausau o le Eteleno ?

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.