Lua tosi o Sau 17:14 - Tosi Tapu

¹⁴ Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Lua tosi o Sau 17:14 ပူးပေါင်းရင်းမြစ်များ

Lua tosi o Koloniko 24:19

Na kakau loa e le Eteleno kia latou ni polofeta ke toe aumai latou kiate ia, kae na leaise lotou fakalogo loa ki valoki ala na lotou fai kia latou.

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Pesalemo 106:24

Na lotou vesia loa ki le fenua o nea malilie ; Na leaise lotou tui loa ki le folafola a le Eteleno.

Pesalemo 78:22

Talie na leaise lotou tui loa ki le Atua, Talie na leaise lotou fanaki loa ki lana tokoi.

Pesalemo 78:32

Kae logo a nea fuli ana, na lotou soko atu aifai le agasala, Ti na leaise lotou tui fua ki ana nea fakatalatupua.

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Ekesote 16:28

Ti na pati loa le Eteleno kia Moisese : E tuku loa afea lakoutou patigataa ki aku fakatotonu mo aku lao ?

Ekesote 32:9

Ti na pati loa le Eteleno kia Moisese : E kau tio ko le kakai lena ko se kakai ua fefeka.

Ekesote 33:3

Pale ki le fenua lena leia e tafe ai le sua manu mo le meli. Kae e leaise kau pale loa i loto malie o ou, talie ke aua na kau fakapuli ia loa a koe i le ala, talie ko se kakai ua fefeka a koe.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Selemia 3:7

Na kau pati loa : E tafoki mai loa a ia kiate au, i le oki o lana fai o nea fuli ana. Kae na leaise tafoki mai a ia kiate au. Ti na fakamaoki ki ai lona taina kaka ko Suta.

Selemia 34:14

Ka oki ni fetuu e fitu, e tasi fakalauatea loa e le tagata lona taina Epeleo leia na popula kiate koe ; e fakasausau a ia kiate koe i fetuu e ono, ti e ke fakalauatea loa a ia ke mavae mei lou fale. Kae na leaise fakalogo okoutou tamana, na leaise tokaga olatou taliga.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 2:3

Na pati mai loa a ia kiate au : Vosa o le tagata, e kau kakau a koe ki fanau o Iselaele, ki kakai fakatutuu ana, ala na agatuu kiate au ; kua lotou agasala kiate au, latou mo olatou tamana, o kaku mai ki le aso leinei e tou nofo ai.

Esekiele 3:19

Kae kapau e ke valoki le tagata agaveli, kae e leaise tafoki a ia i lana agaveli mo lona ala veli, ti e mate loa a ia i lana agaveli, ti ko koe, e ke saofaki loa lou laumalie.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 1:32

Kae, i le temi lena, na leaise kotou fanaki ki le Eteleno, lokoutou Atua,

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 9:13

Na pati mai loa le Eteleno kiate au : E kau tio ko le kakai leinei ko se kakai ua fefeka.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.