Lua tosi o Sau 16:15 - Tosi Tapu

¹⁵ Ti na tuku loa e le sau ko Akase le fakatotonu leinei ki le tagata faisakilifisio ko Uli : Tutu i le aletale lasi le failaulau o le usu mo le failaulau o le afiafi, le failaulau a le sau mo lana moliga, mo failaulau a le kakai katoa o le fenua ti mo alatou moliga, liligi ki ai alatou moliga vino, ti liligi foki ki ai le toto o failaulau fuli mo le toto o sakilifisio fuli ; kae ki le aletale sila, e kau tokaga loa ki ai.

Lua tosi o Sau 16:15 ပူးပေါင်းရင်းမြစ်များ

Senesi 44:5

Pe leaise kotou nofo loa mo le ipu leia e inu ai loku aliki, leia e toe fakaaoga e ia ki le fai kikite ? E veli le nea leia kua kotou fai.

Uluaki tosi o Sau 3:4

Na ano loa le sau ki Kapaone, o momoli i ai ana sakilifisio, talie ko le ganea taualuga tafito a ia. Na momoli loa e Salomone a failaulau e afe i aluga o le aletale.

Uluaki tosi o Sau 7:23

Na fai loa e Ilame le tai ki le sila na saka ; na meta lima lona lau lasi, ti na meta lua vaelua lona taualuga, ti na meta kau agafulu tupu lima lona fuamoumou.

Uluaki tosi o Sau 8:64

I le aso lena na fakatapui loa e le sau le loto malie o le malae, leia i mua o le fale o le Eteleno ; talie na momoli loa e ia i ai a failaulau, mo moliga, ti mo gako o sakilifisio fakafetai, talie na ikiiki le aletale sila leia i mua o le Eteleno ke uta ai a failaulau, mo moliga, ti mo gako o sakilifisio fakafetai.

Lua tosi o Sau 16:14

Na fakamamao loa e ia mei mua o le fale tapu le aletale sila leia na tuu i mua o le Eteleno, o tupu ke aua na tuu a ia i le vasa o le aletale foou mo le fale tapu o le Eteleno ; ti na fakatuu loa e ia le aletale sila i tafa o le aletale foou, ki le potu noleto.

Lua tosi o Sau 16:16

Na mulimuli katoa loa le tagata faisakilifisio ko Uli ki le nea leia na fakatotonu e le sau ko Akase.

Lua tosi o Sau 18:4

Na fakapuli loa e ia a ganea taualuga, ti na maumaui loa e ia a fakatata, ti na sele loa e ia ki lalo a pou tapu, ti na momoi loa e ia le gata sila leia na fai e Moisese, o tupu na tutu e fanau o Iselaele ni nea fakamanogi i ona mua o kaku mai ki le aso lena.

Lua tosi o Sau 3:20

Ti na soko loa i le usu, i le temi leia na momoli ai le sakilifisio, ko leinei, na tafe mai loa le vai mei le ala o Etome, ti na apele loa le fenua i le vai.

Lua tosi o Koloniko 29:32

Ko le lasi o failaulau ala na momoli e le fakatasiga : ko pipi tagata e kau fitu, mo ovi tagata e kau lelau, mo akeno e kau lelau lua ; na lotou momoli loa a vikitima fuli ana ki le Eteleno.

Lua tosi o Koloniko 29:35

Ti na lasi ai foki a failaulau, mo gako o sakilifisio fakafetai, ti mo lipasio o failaulau. Koia na toe fakatuu ai loa le tausi o le fale o le Eteleno.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Esaia 2:6

Talie kua ke tiaki maoki lou kakai, le fale o Sakopo, O tupu kua lotou apele i nea o le potu esite, Ti kua lotou faikikite ofaipe le kau Filisitini, Ti kua lotou avaga ki vosa o le kau matapule.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 9:21

koi kau masau i laku faikole, kae ko leinei, ko le tagata leia na igoa ko Kapeliele, leia na kau tio ki ai i mua atu i se tio, na fakafeofi mai loa kiate au i se lele mauvave, i le lakaga o failaulau o le afiafi.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.