Lua tosi o Sau 16:10 - Tosi Tapu

¹⁰ Na ano loa le sau ko Akase ki Tamaso ki mua o Tikalate-Pilesele, sau o Asilia. I le tio loa a Akase ki le aletale leia na tuu i Tamaso, na fakamomoli loa e ia ki le tagata faisakilifisio ko Uli le paaki o le aletale lena.

Lua tosi o Sau 16:10 ပူးပေါင်းရင်းမြစ်များ

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 16:11

Ti na fakatuu loa e le tagata faisakilifisio ko Uli se aletale o tatau oki mo le paaki leia na fakamomoli ake e le sau ko Akase mei Tamaso, ti na fai loa a ia e le tagata faisakilifisio ko Uli i mua o le toe liliu ake a le sau ko Akase mei Tamaso.

Lua tosi o Sau 21:4

Na fakatuu loa e ia ni aletale i le fale tapu o le Eteleno, logo ai le pati a le Eteleno : Ko Selusalemi leia e kau agai ai loa.

Uluaki tosi o Koloniko 28:19

Na pati loa Tavite : Ko nea fuli ana, na tosi latou e le lima o le Eteleno, ti na soli mai e ia kiate au le poto ke kau matala ki nea fuli, mo paaki fuli o le fale.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 39:43

Na tioi loa e Moisese a gaoi fuli ; ti ko leinei, kua lotou fai a nea fuli o mulimuli totonu ki nea ala na fakatotonu e le Eteleno, na lotou fai fenaaki loa. Ti na tapuaki loa Moisese kia latou.

Esaia 8:2

Na kau too loa ni tagata fakamaoki agatonu, ko le tagata faisakilifisio ko Uli ti mo Sakalia, vosa o Pelekia.

Selemia 10:2

E folafola le Eteleno, o pati : Aua na kotou faifaitaki ki ala o atu puleaga, Aua na kotou i ki fakamailoga o le lagi, O tupu e i a atu puleaga kia latou.

Esekiele 16:28

Na ke faiaga mo le kau Asilia, talie na leaise ke kaekae ; na ke faiaga mo latou ti na leaise ke kaekae aifai.

Esekiele 43:11

Kapau e lotou fakasemala ki alatou agatuu, ti ke fakailo loa kia latou le paaki o le fale tapu leinei, lona fakatuutuu, mo ona katupa, mo ona uluaga, mo ona paaki fuli, mo ona fakatuutuu fuli ; io, ona paaki fuli mo ona lao. Tuku ki olatou mata a paaki kesekese fuli, o tupu ke lotou taupau ona paaki fuli mo ona fakatotonu fuli, ti ke lotou mulimuli katoa ki ai i lona fai.

Esekiele 43:8

Na fakatuu e sau a uluaga mo matapa o olatou fale sau i tafa fua o uluaga mo matapa o loku fale tapu ; ti ko se paa fuai leia na vae ia loku fale tapu mo olatou fale. Na lotou fakakelekele loa i ai loku suafa maokioki ki alatou nea fakalialia, koia na kau tamate ai latou i loku sausau.

Esekiele 44:12

O tupu na lotou tausi ki le kakai i mua o taulaatua, ti na lotou fakavilo le fale o Iselaele ki le agasala, e pati le Aliki, le Eteleno : E kau siki loa loku lima kia latou, ke lotou amo le veli o lalatou agaveli.

Mateo 15:6

E kotou fakanoai i ai le folafola a le Atua, o tupu ko lakoutou talatisio.

Mateo 15:9

E maumau noa lalatou fakavikiviki kiate au, Talie e lotou tuku ni lekula fakatagata ofaipe ni pelesepeto meiate au.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Tetelonome 12:30

ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Sosue 22:28

Na motou pati loa : kapau, i se temi ki muli, e lotou fai loa le pati lena kia matou mo amatou fanau, e motou tali loa kia latou : Ke kotou tio ki le paaki o le aletale o le Eteleno, leia na fai e omatou tamana, o leai ki ni failaulau ti mo ni sakilifisio, kae ofaipe se fakamaoki kia matou mo koutou.

Uluaki tosi a Petelo 1:18

Talie e kotou iloa na leaise totogi koutou ki ni nea popo, ki se paaga pe ko se aulo, mei le mauli vaiga leia na kotou maua mei okoutou tamana,