Lua tosi o Sau 15:29 - Tosi Tapu

²⁹ I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 15:29 ပူးပေါင်းရင်းမြစ်များ

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Uluaki tosi o Sau 15:20

Na logo loa Penatate ki le sau ko Asa ; ti na kakau loa e ia a pule o lana solia o taui a kolo o Iselaele, ti na maua loa e ia Isone, mo Tane, mo Apele-Pete-Maaka, mo Kineloti katoa, ti mo le fenua katoa o Nefetali.

Uluaki tosi o Sau 9:11

Ti na soli loa e Salomone kia Ilame, sau o Tile, a kolo e kau lua i le fenua o Kalilea, talie ko Ilame leia na soli ia kia Salomone le sete , mo le sipele , ti mo le aulo fuli leia na loto a ia ki ai.

Lua tosi o Sau 15:19

Na au loa a Pulu, sau o Asilia, ki le fenua ; ti na soli loa e Menaemi kia Pulu a tane paaga e kau tolu, o tupu ke tokoi ake a ia ki le fakamakeke o lona puleaga i ona lima.

Lua tosi o Sau 15:20

Na tae loa e Menaemi le paaga lena ia latou fuli o Iselaele ala na mou koloa, ke soli a ia ki le sau o Asilia ; na fakamaua e ia ke soli e le tagata taki toka tasi ni fa sikele paaga e kau lima. Na toe liliu loa le sau o Asilia, ti na leaise nofo loa a ia i le fenua.

Lua tosi o Sau 15:28

Na fai loa e Pekase le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele.

Lua tosi o Sau 15:30

Na fai loa e Ose, vosa o Ela, se fono ke tamate Pekase, vosa o Lemalia. Na taai loa e ia Pekase o mate ; ti na sau loa a ia, o fetogi a ia, i le kau lua fetuu o le sau o Sotame, vosa o Osiasi.

Lua tosi o Sau 16:10

Na ano loa le sau ko Akase ki Tamaso ki mua o Tikalate-Pilesele, sau o Asilia. I le tio loa a Akase ki le aletale leia na tuu i Tamaso, na fakamomoli loa e ia ki le tagata faisakilifisio ko Uli le paaki o le aletale lena.

Lua tosi o Sau 16:7

Na kakau loa e Akase ni tagata avelogo kia Tikalate-Pilesele, sau o Asilia, o pati kiate ia : Ko lau tagata fakasausau au mo lou vosa ; pale mai, o saofaki au mei le lima o le sau o Silia ti mo le lima o le sau o Iselaele, ala kua tutuu ake ke taui au.

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 18:11

Na ave fakapopula loa e le sau o Asilia a Iselaele ki Asilia, ti na fakanonofo loa e ia latou i Salaki, i le fenua o Kosani leia e tafe ai le liua ko Sapole, i kolo o le kau Mete,

Lua tosi o Sau 19:11

Ko leinei, kua ke logo ki nea ala na fai e le sau o Asilia ki fenua fuli, pe na feaki lana aga o maumaui a fenua ana ; ti ko koe, e ke sao feaki loa !

Lua tosi o Sau 8:11

Na tio fakamate loa le tagata a le Atua kia Asaele o fualoa ai, ti na tagi loa a ia.

Uluaki tosi o Koloniko 5:22

talie na lasi ai a mate, o tupu na au le tau mei le Atua. Ti na lotou nonofo loa i nofoaga o le kau Akale o kaku ki le temi leia na ave popula ai loa latou.

Uluaki tosi o Koloniko 5:26

Na eke fakamakeke loa le Atua o Iselaele le loto o Pulu, sau o Asilia, mo le loto o Tilekate-Pilenesele, sau o Asilia, ti na ave popula loa e Tilekate-Pilenesele a vosa o Lupeni, mo vosa o Kate, mo le vaelua o vosa o le faasiga o Manase, ti na taki loa e ia latou ki Salaki, mo Sapole, mo Ala, ti mo le vaitafe o Kosani, leia na lotou nonofo ai loa o kaku mai ki le aso nei.

Uluaki tosi o Koloniko 5:6

ko le vosa o Paale : ko Peela, leia na ave popula loa e le sau o Asilia ko Tilekate-Pilenesele : ko le pule a ia o le kau Lupeni.

Lua tosi o Koloniko 16:4

Na tali loa Pene-Atate le kole a le sau ko Asa ; na kakau loa e ia a pule o lana solia ke ano o taui a kolo o Iselaele, ti na lotou taai loa Isone, mo Tane, mo Apele-Maime, ti mo kolo fuli ala na tanaki ai a koloa o Nefetali.

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 37:18

E maoki, ei Eteleno, na maumaui e sau o Asilia a fenua fuli ti mo lolatou fenua totonu,

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Esaia 7:20

I le aso lena, e tele loa e le Aliki Le ulu mo fulu o vae o Iselaele Ki se tele leia na lue i leia atu fetuu o le vaitafe o Eufalate, Ki le sau o Asilia ; E toe tele foki e ia mo le kaukava.

Esekiele 23:9

Koia na kau tuku ai a ia ki lima o ana feauaki, Ki lima o fanau o Asilia, Ala na oli makeke a ia ki ai.

Levitiko 26:32

E kau maumaui loa le fenua, e au totonu ; ti e punamauli loa okoutou fili ala e nonofo loa i ai.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Amosi 1:3

Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.

Amosi 6:14

Koia leia e pati ai le Eteleno, le Atua o kau tau : Ko leinei, e kau lagai loa kia koutou, fale o Iselaele, Se puleaga leia e pule loa kia koutou mei le matapa o Amati O kaku ki le liua o le toafa.

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Numelo 32:40

Na soli loa e Moisese a Kalaate kia Makile, vosa o Manase, leia na nofo loa i ai.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 3:15

Ti na kau soli loa Kalaate kia Makile.

Sosue 11:1

I le logo a Sapini, sau o Atesoa, ki le nea lena, na kakau loa e ia ni tagata avelogo kia Sopape, sau o Matoni, mo le sau o Similoni, mo le sau o Akisafi,

Sosue 11:10

I lana toe liliu, na too loa e Sosue a Asoli, leia na tuu i le temi lena ko le kolo mua o puleaga o le potu noleto, ti na taai loa e ia ki le mata o le seleta lona sau.

Sosue 11:13

Kae na leaise tutu loa e Iselaele se kolo fua e tasi o kolo ala na tuu i aluga o mauga liliki, gato fai ki Asoli leia na tutu e Sosue.

Sosue 12:19

ko le sau o Matoni, tasi ; ko le sau o Asoli, tasi ;

Sosue 16:6

Na soko atu a ia i le potu uesite ki Mikemetati i le noleto, o maliu loa i le esite ki Taanati-Silo, ti na fakalaka loa o ano ki Sanoake.

Sosue 19:35

Ko kolo tau ko : Tesetime, mo Tesele, mo Amati, mo Lakati, mo Kineleti ;

Sosue 19:37

mo Ketesi, mo Etelei, mo Ene-Atesoa ;

Sosue 20:7

Na lotou filifili loa Ketesi i Kalilea, i le mauga o Nefetali ; mo Siseme, i le mauga o Efalaimi ; mo Kiliate-Alepa, leia ko Epelone, i le mauga o Suta.

Tuifakamaau 18:30

Na fakatuu loa e vosa o Tane le fakatata ta leia na fai e Mika, ke liliu ko lolatou atua. Ti ko Sonata, vosa o Kelesoni, vosa o Manase, a ia mo ona vosa, na liliu loa ko tagata faisakilifisio ki le faasiga o Tane, o kaku ki le temi leia na ave ai loa le kakai o fakapopula.

Tuifakamaau 4:2

Ti na tuku loa latou e le Eteleno ki lima o Sapini, sau o Kanaane, leia na nofo i Atesoa. Ko le pule o lana solia ko Sisela, ti na nofo a ia i Aloseti-Koimi.