Lua tosi o Sau 15:12 - Tosi Tapu

¹² Koia na soko ia loa le nea leia na fakasa fakatomua e le Eteleno kia Seu, o pati : E ekeeke loa ou vosa i le ekeekeaga fakasau o Iselaele, o kaku ki le fa o tautupu.

Lua tosi o Sau 15:12 ပူးပေါင်းရင်းမြစ်များ

Lua tosi o Sau 10:10

Ke kotou iloa e leaise vilo loa ki le kele se nea fua e tasi o le folafola a le Eteleno, le folafola leia na fakasa e le Eteleno ki le fale o Akapo ; kua fakasoko e le Eteleno le nea leia na fakasa e ia i lana tagata fakasausau ko Elia.

Lua tosi o Sau 10:30

Na pati loa le Eteleno kia Seu : Talie na ke fakasoko malie le nea leia e totonu ki oku mata, ti na ke fai ki le fale o Akapo a nea fuli ala na kau finegalo ki ai, e eke loa ou vosa i le ekeekeaga fakasau o Iselaele o kaku ki le fa o tautupu.

Lua tosi o Sau 13:1

I le fetuu kau lua tupu tolu o le sau o Soasi, vosa o Akasia, i Suta, na sau loa Soakase, vosa o Seu, i Samalia ki Iselaele. Na sau a ia i fetuu e kau agafulu tupu fitu.

Lua tosi o Sau 13:10

I le fetuu kau tolu tupu fitu o le sau o Soasi i Suta, na sau loa Soasi, vosa o Soakase i Samalia ki Iselaele. Na sau a ia i fetuu e kau agafulu tupu ono.

Lua tosi o Sau 13:13

Na mate loa Soasi. Ti na sau loa Selopoamo, o fetogi a ia. Na tanu loa Soasi i Samalia mo sau o Iselaele.

Lua tosi o Sau 14:29

Na mate loa Selopoamo, ti na tanu loa a ia mo sau o Iselaele. Ti na sau loa Sakalia, lona vosa, o fetogi a ia.

Lua tosi o Sau 15:11

Ko le toe o gaoi a Sakalia, pe se tosi i le tosi fakamatala ki sau o Iselaele ?

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Maleko 13:31

E puli loa le lagi mo le kele, kae e leaise puli loa aku folafola.

Soane 10:35

Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola,

Soane 19:24

Aua na tou saei a ia, kae tou toso pe ko ai leia e maua ia loa a ia. Na soko le nea lena ke fakasoko ai le folafola leia e tuu i le Tosi : Na lotou vae oku kofu, Ti na lotou toso loku tunika. Ko lena le nea leia na fai e le kau solia.

Gaoi 1:16

Fetaina, e tonu ke fakasoko le nea leia kua fakasa fakatomua e le Laumalie Maokioki i le Tosi tapu, i le gutu o Tavite o uiga mo Sutasi, leia na taki ia latou ala na too ia Sesu.

Uluaki tosi a Samuele 3:19

Na lasi ake loa Samuele. Na nofo loa le Eteleno mo ia, ti na leaise tuku loa e ia ke vilo ki le kele se kupu fua e tasi o ana folafola.