Lua tosi o Sau 14:9 - Tosi Tapu

⁹ Ti na kakau loa e Soasi, sau o Iselaele, ke pati kia Amatesia, sau o Suta : Na kakau loa e le vao talatala o Lipane ke pati ki le sete o Lipane : Soli mai lou taine ke avaga mo loku vosa ! Ti na nake loa a manu fekai ala na nofo i Lipane, o takatakafi le vao talatala.

Lua tosi o Sau 14:9 ပူးပေါင်းရင်းမြစ်များ

Uluaki tosi o Sau 4:33

Na masau a ia ki laakau, mei le sete o Lipane o kaku ki le isopa leia e somo mei le paa ; na masau foki a ia ki manu, mo manu lele, mo manu totolo, ti mo ika.

Lua tosi o Koloniko 25:18

Ti na tali loa Soasi, sau o Iselaele, o pati kia Amatesia, sau o Suta : Na kakau e le laakau talatala o Lipane ke pati ki le sete o Lipane : Soli mai lou taine ke avaga mo loku vosa ! Kae na ano loa a manu vao o Lipane o takatakafi le laakau talatala.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Sopo 31:18

Talie talu mei laku lasi ake na kau taupau a ia ofaipe se tamana, Talie talu mei laku lasi ake na kau tokoi ki le fafine lokonui ;

Ekesote 3:2

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Taagapati 26:9

Ofaipe se talai moli e siki e le lima o se tagata kona, e felaaki se taagapati leia e vilo mei le gutu o se vale.

Katiko o Katiko 2:2

Ofaipe se lilio i loto malie o ni laakau talatala, E fenaaki loku alofaaga i lotolotoga o taineliki tupulaga.

Esaia 34:13

E tupu loa a laakau sukisuki i ona fale sau, A vao veli mo vao talatala i ona kolo tau. E liliu loa a ia ko le nofoaga o pili, Le maloloaga o lulu.

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Uluaki tosi ki le kau Kolinto 12:15

Kapau e pati le vae : Talie e leaise ko se lima au, e leaise kau kau i le tino ; pe leaise kau loa a ia i le tino lena ?

Uluaki tosi a Samuele 13:6

I le tio loa a tagata o Iselaele kua lotou tuulaga veli ai, talie kua tapotapono latou, na lotou mumuni loa i ana, mo ulu vao, mo utu, mo pu i le kele, mo sosoni.