Lua tosi o Sau 14:25 - Tosi Tapu

²⁵ Na toe fai loa e Selopoamo a koiga o Iselaele, mei le uluaga i Amati o kaku ki le Tai Mate i le laumalie, o mulimuli ki le folafola leia na fakasa e le Eteleno, le Atua o Iselaele, i le gutu o lana tagata fakasausau ko Sonasi, le polofeta, vosa o Amitai, mei Kate-Efele.

Lua tosi o Sau 14:25 ပူးပေါင်းရင်းမြစ်များ

Senesi 14:3

Ko latou anei na fakatasi loa i le vaivailiua o Sitime, leia ko le tai Mate.

Uluaki tosi o Sau 8:65

Na fai loa e Salomone le aso lasi o fale pola i le temi lena, a ia mo Iselaele katoa. Na au loa se kakai api ai, leia na au mei tafatafa fuli o Amati o kaku ki le liua o Esipito, na fakatasi loa i mua o le Eteleno, lotatou Atua, i aso e fitu, ti mo ni iki ake a aso e fitu, o fakatasi ko aso e kau agafulu tupu fa.

Lua tosi o Sau 10:32

I le temi lena, na kamata tuku loa e le Eteleno ke taui a Iselaele i ona potu fuli ; ti na taui loa latou e Asaele o lava i le koiga katoa o Iselaele.

Lua tosi o Sau 13:25

Na toe too loa e Soasi, vosa o Soakase, mei lima o Pene-Atate, vosa o Asaele, a kolo ala na too e Asaele mei lima o Soakase, lona tamana, i le tau. Na malo tua tolu Soasi ia Pene-Atate, ti na toe maua loa e ia a kolo o Iselaele.

Lua tosi o Sau 13:5

ti na soli loa e le Eteleno se fakamauli ki Iselaele. Na sao ai loa a fanau o Iselaele mei lima o le kau Silia, ti na lotou nonofo loa i olatou falela ofaipe mua.

Lua tosi o Sau 14:24

Na fai loa e Selopoamo le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele.

Esekiele 11:10

E kotou mamate loa i le seleta, E kau fakamaau loa koutou i le koiga o Iselaele, Ti e kotou iloa loa ko au ko le Eteleno.

Amosi 6:14

Koia leia e pati ai le Eteleno, le Atua o kau tau : Ko leinei, e kau lagai loa kia koutou, fale o Iselaele, Se puleaga leia e pule loa kia koutou mei le matapa o Amati O kaku ki le liua o le toafa.

Sonasi 1:1

Na fakasa loa le foafola a le Eteleno kia Sonasi, le vosa o Amitai, o pati :

Numelo 13:21

Na lotou pale loa, ti na lotou tioi loa le fenua, o kamata mei le toafa o Sini o kaku ki Leopoti, i le uluaga o Amati.

Mateo 16:4

E kole e se tautupu agaveli mo fai feauaki se milakulo ; e leaise toe tuku loa kiate ia se tasi ake milakulo i leia o Sonasi. Ti na tuku loa e ia latou, kae ano loa a ia.

Tetelonome 3:17

Na mulimuli loa le koiga uesite i le tafeaga o le Solotane, i le vasa o le vai ko Senesaleti mo le tai Mate, o kaku ki vae o le mauga ko Pisika, leia e tuu i le fetuu esite.

Sosue 19:13

I lena na ano loa a ia ki le esite i Kita-Efele mo Ita-Kasini, o soko atu loa ki Limoni, o kaku loa ki Nea.