Lua tosi o Sau 14:24 - Tosi Tapu

²⁴ Na fai loa e Selopoamo le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele.

Lua tosi o Sau 14:24 ပူးပေါင်းရင်းမြစ်များ

Senesi 38:7

Ko Ela, le vosa uluaki o Suta, na agaveli ai ki mata o le Eteleno ; ti na fakamate loa a ia e le Eteleno.

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Sau 13:11

Na fai loa e Soasi le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele, kae na muli a ia ia latou ofaipe Selopoamo.

Lua tosi o Sau 13:2

Na fai loa e Soakase le nea leia e veli ki mata o le Eteleno ; na fai loa e ia a agasala ala na fai e Selopoamo, vosa o Nepate, leia na fakaagasalai ia Iselaele, ti na leaise maliu a ia mei ai.

Lua tosi o Sau 13:6

Kae na leaise lotou tiaki loa a agasala o le fale o Selopoamo, leia na fakaagasalai ia Iselaele ; ti na lotou toe muli loa i ai ; ti na tuu foki le fakatata o Asetalate i Samalia.

Lua tosi o Sau 14:23

I le fetuu kau agafulu tupu lima o le sau o Amatesia, vosa o Soasi, i Suta, na sau loa a Selopoamo, vosa o Soasi, i Samalia ki Iselaele. Na sau loa a ia i fetuu e kau fa tupu tasi.

Lua tosi o Sau 14:25

Na toe fai loa e Selopoamo a koiga o Iselaele, mei le uluaga i Amati o kaku ki le Tai Mate i le laumalie, o mulimuli ki le folafola leia na fakasa e le Eteleno, le Atua o Iselaele, i le gutu o lana tagata fakasausau ko Sonasi, le polofeta, vosa o Amitai, mei Kate-Efele.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 3:3

kae na logo ai na pipiki a ia ki agasala a Selopoamo, vosa o Nepate, leia na fakaagasalai ia Iselaele, ti na leaise tafoki a ia mei ai.

Pesalemo 106:20

Na lotou fetogi loa lolatou kololia Ki se fakatata o se pipi leia e kai luna.

Amosi 7:10

I le temi lena na fakasa loa e Amatesia, le pelepitelo o Petele, kia Selopoamo, sau o Iselaele : Kua agatuu Amosi kiate koe i loto malie o le fale o Iselaele ; ti e leaise koi mafai ke kataki e le fenua ana masau fuli.

Amosi 7:13

Kae aua na ke toe soko atu lau faikikite i Petele, talie ko le fale tapu o le sau, ti ko se fale fakasau.

Amosi 7:16

Koia ke ke fakalogo mai ai i le lakaga nei ki le folafola a le Eteleno, a koe leia e pati : Aua na ke kikite ki le fenua ko Iselaele, ti aua na ke masau ki le fale o Isaake.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.