Lua tosi o Sau 13:7 - Tosi Tapu

⁷ Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Lua tosi o Sau 13:7 ပူးပေါင်းရင်းမြစ်များ

Lua tosi a Samuele 22:43

E kau gugu latou ofaipe le efu o le kele, E kau takatakafi latou ofaipe le pela o ala.

Uluaki tosi o Sau 20:15

Koia na lau ai loa e Akapo le kau tagata fakasausau o pule koga fenua, ti na maua loa e ia ko tino lelau e lua mo le tino tolu tupu lua ; ti na oki loa lana lau latou, na toe lau loa e ia le kakai katoa, a fanau fuli o Iselaele, ti na maua loa e ia ko tino afe e fitu.

Uluaki tosi o Sau 20:27

Na toe lau foki fanau a Iselaele ; na soli loa kia latou ni nea kai, ti na lotou ano loa o fakafetaulaki ki le kau Silia. Na lotou nonofo loa i mua o le kau Silia, ofaipe ni ga kau koti e lua, kae na fakaapele loa e le kau Silia le fenua.

Lua tosi o Sau 10:32

I le temi lena, na kamata tuku loa e le Eteleno ke taui a Iselaele i ona potu fuli ; ti na taui loa latou e Asaele o lava i le koiga katoa o Iselaele.

Lua tosi o Sau 13:8

Ko le toe o gaoi a Soakase, a nea fuli ala na fai e ia ti mo ana gaoi lalasi, pe leaise tosi a nea fuli ana i le tosi fakamatala ki sau o Iselaele.

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Pesalemo 18:42

E lotou tagi, kae e leaise tasi leia ke fakamauli ia latou ! E lotou tagi ki le Eteleno, kae e leaise tali a ia kia latou !

Esaia 36:8

I le aso nei, fai se talaga mo loku pule, le sau o Asilia, ti e kau soli atu loa kiate koe ni kau osi e lua afe mo ka e ke maua ni tagata ke eke ia latou.

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Amosi 1:3

Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Uluaki tosi a Samuele 13:15

Ti na tuu ake loa Samuele, o pale mei Kilikale ki Kipea o Pesamino. Na lau loa e Saulo le kakai leia na nofo mo ia : Ko tagata e tino lelau ono.