Lua tosi o Sau 13:5 - Tosi Tapu

⁵ ti na soli loa e le Eteleno se fakamauli ki Iselaele. Na sao ai loa a fanau o Iselaele mei lima o le kau Silia, ti na lotou nonofo loa i olatou falela ofaipe mua.

Lua tosi o Sau 13:5 ပူးပေါင်းရင်းမြစ်များ

Lua tosi o Sau 13:25

Na toe too loa e Soasi, vosa o Soakase, mei lima o Pene-Atate, vosa o Asaele, a kolo ala na too e Asaele mei lima o Soakase, lona tamana, i le tau. Na malo tua tolu Soasi ia Pene-Atate, ti na toe maua loa e ia a kolo o Iselaele.

Lua tosi o Sau 14:25

Na toe fai loa e Selopoamo a koiga o Iselaele, mei le uluaga i Amati o kaku ki le Tai Mate i le laumalie, o mulimuli ki le folafola leia na fakasa e le Eteleno, le Atua o Iselaele, i le gutu o lana tagata fakasausau ko Sonasi, le polofeta, vosa o Amitai, mei Kate-Efele.

Lua tosi o Sau 14:27

Kae na leaise loto le Eteleno ke soloi le igoa o Iselaele i lalo o le lagi, ti na saofaki loa e ia latou i le lima o Selopoamo, vosa o Soasi.

Uluaki tosi o Koloniko 11:2

I mua, i le koi sau o Saulo, ko koe leia na taki ia Iselaele ki le tau. Na pati atu loa le Eteleno, lou Atua kiate koe : E ke fagai loa loku kakai ko Iselaele, ti e ke liliu loa ko le pule o loku kakai ko Iselaele.

Neemia 9:27

Koia na ke tuku ai loa latou ki lima o olatou fili, ala na fakaveliveli loa kia latou. Kae i le temi o lolatou mamae, na lotou tagi loa kiate koe ; ti na ke logo loa kia latou mei lagi, ti na ke soli loa kia latou ni tagata ke saofaki ia latou mei le lima o olatou fili, o tupu ko lou manava alofa.

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Ekesote 4:10

Na pati loa Moisese ki le Eteleno : Ei loku Aliki, e leaise ko se tagata au leia e masau faigaofie, ti e leaise ko se nea fua mei nanafi, pe ko leia atu a aso, pe ko le aso leia na ke kamata masau ai ki lau tagata fakasausau ; talie e valea loku gutu mo loku alelo.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Apetiasi 1:21

E pale ake loa ni tagata fakamauli ki le mauga o Sione, O fakamaaui le mauga o Esau ; Ti e maua loa e le Eteleno le pule fakasau.

Luka 2:11

I le aso nei, i le kolo o Tavite, kua tupu kia koutou se Fakamauli, leia ko Kilisito, ko le Aliki.

Tetelonome 19:4

E fakatuu le lao lena ki le tagata leia na fai ia se tukipo i se tutamaki kae na leaise nofo a ia mo sona vesia ki leia kua mate, o tupu ke feala ke sola a ia ki se kolo i kolo ana ti ke saofaki ai lona mauli.

Uluaki tosi a Samuele 12:11

Ti na kakau loa e le Eteleno a Selupaale, mo Petane, mo Sefete, mo Samuele, ti na saofaki loa e ia koutou mei le lima o okoutou fili ala e takatakai ia koutou, ti na kotou nonofo loa i le tokamalie.

Uluaki tosi a Samuele 19:7

Na kalagai loa Tavite e Sonatane, ti na fakamatala loa e ia nea fuli kiate ia ; ti na ave loa e ia Tavite kia Saulo, ti na tausi loa Tavite kia Saulo, ofaipe mua atu.