Lua tosi o Sau 13:4 - Tosi Tapu

⁴ Na tagi loa Soakase ki le Eteleno. Ti na tali loa e le Eteleno lana kole, talie na tio a ia ki le fakapopulai o Iselaele e le sau o Silia,

Lua tosi o Sau 13:4 ပူးပေါင်းရင်းမြစ်များ

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Lua tosi o Sau 13:22

Na fakamakeke Iselaele e Asaele, sau o Silia, i le mauli katoa o Soakase.

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Lua tosi o Sau 14:26

Talie na tio loa le Eteleno kua lasi ai le mamae o Iselaele ti mo lolatou popula, kae e leaise tasi fua na au o saofaki latou.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Esetalasi 8:23

Ko le tupuaga a ia o lamatou sesunio mo lamatou tagi ki lomatou Atua. Ti na tali loa e ia lamatou kole.

Sopo 22:27

E ke faikole loa kiate ia, ti e tali atu loa a ia kiate koe, Ti e ke fakasoko loa au fakapapau.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 78:34

Ka taai e ia latou ki le mate, na lotou toe afa loa a ia. Na lotou toe liliu loa ki le Atua, o afa lana tokoi ;

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Tuifakamaau 10:10

Na tagi loa fanau a Iselaele ki le Eteleno, o pati : Kua motou agasala loa kiate koe, talie kua motou tiaki loa lomatou Atua, o motou tausi loa kia Paale.