Lua tosi o Sau 13:23 - Tosi Tapu

²³ Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Lua tosi o Sau 13:23 ပူးပေါင်းရင်းမြစ်များ

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Uluaki tosi o Sau 8:28

Kae logo ai le nea lena, ei Aliki, loku Atua, maliu mai ou mata kiate au, o fakalogo ki le kole mo le tagi a lau tagata fakasausau ; io fakalogo ki le tagi mo le kole e fai atu kiate koe e lau tagata fakasausau i le aso nei :

Lua tosi o Sau 13:24

Na mate loa Asaele, sau o Silia, ti na sau loa Pene-Atate, lona vosa, o fetogi a ia.

Lua tosi o Sau 13:4

Na tagi loa Soakase ki le Eteleno. Ti na tali loa e le Eteleno lana kole, talie na tio a ia ki le fakapopulai o Iselaele e le sau o Silia,

Lua tosi o Sau 14:26

Talie na tio loa le Eteleno kua lasi ai le mamae o Iselaele ti mo lolatou popula, kae e leaise tasi fua na au o saofaki latou.

Lua tosi o Sau 14:27

Kae na leaise loto le Eteleno ke soloi le igoa o Iselaele i lalo o le lagi, ti na saofaki loa e ia latou i le lima o Selopoamo, vosa o Soasi.

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 24:20

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na fai loa e Setesiasi se agatuu ki le sau o Papilone.

Pesalemo 105:8

E manatui tuumau e ia lana sai, Ana fakapapau ki tautupu e afe,

Pesalemo 105:9

Le sai leia na fai e ia mo Apalaamo, Ti mo le fakapapau leia na fai e ia kia Isaake.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Pesalemo 51:11

Ke ke Tagaki kese ou mata i aku agasala, Ke ke soloi aku agaveli fuli.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Selemia 12:15

Kae ka oki loa laku taaki latou, E kau toe alofa loa kia latou, Ti e kau toe aumai loa latou taki toka tasi ki lona tofiga, Taki toka tasi ki lona fenua.

Tagi laulau a Selemia 3:32

Kae, ka fakamamae e ia, E manava alofa a ia o mulimuli ki lona alofa lasi ;

Levitiko 26:42

E kau toe manatui loa laku fakapapau kia Sakopo, mo Isaake, mo Apalaamo, ti e kau toe manatui loa le fenua.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.