Lua tosi o Sau 13:14 - Tosi Tapu

¹⁴ Na maua loa Eliseo e le masaki leia na mate ai ; na ifo loa Soasi, sau o Iselaele, o tagi ki ona mata, o pati : Loku tamana ! loku tamana ! Saliote o Iselaele mo lana kau solia ekeosi !

Lua tosi o Sau 13:14 ပူးပေါင်းရင်းမြစ်များ

Senesi 48:1

I le oki o nea ana, na fakasa loa kia Sosefo : Ko leinei kua masaki lou tamana. Ti na too loa e Sosefo ona vosa e toka lua ko Manase mo Efalaimi, o ave kia Sakopo.

Senesi 49:33

I le oki o le tuku e Sakopo o ana fakatotonu ki ona vosa, na too loa e ia ona vae o tuku ki le palepale, ti na tukumanava fakaoki loa a ia, ti na ano loa a ia ki lona kakai.

Senesi 50:1

Na punou loa Sosefo ki mata o lona tamana o tagi mo sogi kiate ia.

Lua tosi o Sau 13:12

Ko le toe o gaoi a Soasi mo nea fuli ala na fai e ia, ana gaoi lalasi ti mo le tau leia na fai e ia kia Amatesia, sau o Suta, pe leaise tosi a nea ana i le tosi fakamatala ki sau o Iselaele ?

Lua tosi o Sau 13:13

Na mate loa Soasi. Ti na sau loa Selopoamo, o fetogi a ia. Na tanu loa Soasi i Samalia mo sau o Iselaele.

Lua tosi o Sau 13:15

Na pati loa Eliseo kiate ia : Too se kalolo mo ni gasau. Ti na too loa e le sau se kalolo mo ni gasau.

Lua tosi o Sau 2:12

Na tio Eliseo mo tagi : Loku tamana ! loku tamana ! Saliote o Iselaele mo lana kau tagata ekeosi ! Ti na leaise toe tio loa a ia kia Elia. Na too loa e ia ona teu o sae lua,

Lua tosi o Sau 20:1

I le temi lena, na masaki loa Esekiasi o teiteiki ke mate. Na au loa le polofeta ko Esaia, vosa o Amote, ki ona tafa, o pati kiate ia : Ko leinei le folafola a le Eteleno : Ke tuku au fakatotonu ki lou fale talie ka ke mate loa, e leaise ke toe mauli loa mei lou masaki.

Lua tosi o Sau 6:21

I le tio loa a le sau o Iselaele kia latou, na pati loa a ia kia Eliseo : Loku tamana, pe kau tamate, pe kau tamate latou ?

Pesalemo 12:1

Ki le pule o le kau sua. I le alepe va valu. Pesalemo a Tavite.

Taagapati 11:11

E mauiga le kolo i le tapuakina a le kau agatonu, Kae e maumau a ia i le gutu o le kau agaveli.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Esekiele 14:14

Kae e maua loa i loto malie o le fenua lena a tagata anei e toka tolu, ko Noe, mo Taniela, mo Sopo, e lotou saofaki loa olatou laumalie ki lalatou faitotonu, e pati le Aliki, le Eteleno.

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Sakalia 1:5

Ko okoutou tamana, kofea latou ? Ti ko le kau polofeta, pe mafai ke lotou mauli o lee gato ?

Maleko 6:20

Kae na leaise mafai e ia o tupu ko Elote. Ti na i Elote kia Soane, talie na iloa e ia ko se tagata agamalie a ia mo maokioki ; ti na puipui e ia Soane. I lana logo kiate ia, na tua lasi le mamae o lona loto, kae na fia logo tuumau a ia kiate ia.

Soane 11:3

Na kakau loa e le tautaina ke pati kia Sesu : Aliki, tio, ko leia e ke alofa ki ai e masaki.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Filipe 2:26

Talie na manatu lasi a ia kia koutou fuli, ti na mamae lasi ai a ia o tupu ko lakotou iloa lona masaki.