Lua tosi o Sau 13:12 - Tosi Tapu

¹² Ko le toe o gaoi a Soasi mo nea fuli ala na fai e ia, ana gaoi lalasi ti mo le tau leia na fai e ia kia Amatesia, sau o Suta, pe leaise tosi a nea ana i le tosi fakamatala ki sau o Iselaele ?

Lua tosi o Sau 13:12 ပူးပေါင်းရင်းမြစ်များ

Uluaki tosi o Sau 14:19

Ko le toe o gaoi a Selopoamo, ana tau mo anoaga o lana pule, ko leinei, kua tosi a ia i le tosi fakamatala ki sau o Iselaele.

Lua tosi o Sau 1:18

Ko le toe o gaoi a Akasia, mo nea ala na fai e ia, pe leaise tosi a ia i le tosi fakamatala ki sau o Iselaele ?

Lua tosi o Sau 13:11

Na fai loa e Soasi le nea leia e veli ki mata o le Eteleno ; na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele, kae na muli a ia ia latou ofaipe Selopoamo.

Lua tosi o Sau 13:13

Na mate loa Soasi. Ti na sau loa Selopoamo, o fetogi a ia. Na tanu loa Soasi i Samalia mo sau o Iselaele.

Lua tosi o Sau 14:25

Na toe fai loa e Selopoamo a koiga o Iselaele, mei le uluaga i Amati o kaku ki le Tai Mate i le laumalie, o mulimuli ki le folafola leia na fakasa e le Eteleno, le Atua o Iselaele, i le gutu o lana tagata fakasausau ko Sonasi, le polofeta, vosa o Amitai, mei Kate-Efele.