Lua tosi o Sau 12:18 - Tosi Tapu

¹⁸ Na too loa e Soasi, sau o Suta, a nea tapu fuli, a nea ala na tanaki e Sosafate, mo Solame, ti mo Akasia, ona tamana ko sau o Suta, a nea ala na tanaki e ia totonu mo le aulo katoa leia na tuku i koloa o le fale o le Eteleno ti mo le fale o le sau ; ti na fakamomoli loa e ia a nea fuli kia Asaele, sau o Silia, ti na leaise pale ake loa a Asaele o taui Selusalemi.

Lua tosi o Sau 12:18 ပူးပေါင်းရင်းမြစ်များ

Uluaki tosi o Sau 14:26

Na too loa e ia a koloa o le fale o le Eteleno ti mo koloa o le fale o le sau, na too loa e ia a nea fuli. Na too loa e ia a paletau aulo fuli ala na fai e Salomone.

Uluaki tosi o Sau 15:18

Na too loa e Asa le aulo mo le paaga fuli leia na toe i koloa o le fale o le Eteleno ti mo koloa o le fale o le sau, ti na tuku loa e ia latou ki lima o ana tagata fakasausau ala na kakau loa e ia kia Pene-Atate, vosa o Tapilimone, vosa o Esone, sau o Silia, leia na nofo i Tamaso. Na kakau loa e le sau ko Asa ke pati kiate ia :

Lua tosi o Sau 12:19

Ko le toe o gaoi a Soasi, a nea fuli ala na fai e ia, pe leaise tosi a ia i le tosi fakamatala ki sau o Suta.

Lua tosi o Sau 12:4

Na pati loa Soasi ki tagata faisakilifisio : Ko le paaga katoa o nea tapu fuli ala e aumai ki le fale o le Eteleno, mo le paaga o tukusau, le paaga totogi o kakai fuli kua lau o mulimuli ki le fakafuafua kua fai, mo le paaga leia kua loto malie se tagata ke soli ki le fale o le Eteleno,

Lua tosi o Sau 14:14

Na too loa e Soasi le aulo, mo le paaga fuli, mo ipu fuli ala na tuku i le fale o le Eteleno, ti mo koloa o le fale o le sau ; na toe too foki e ia se kau popula, ti na toe liliu loa a ia ki Samalia.

Lua tosi o Sau 16:8

Ti na too loa e Akase le aulo mo le paaga ala na tuku i le fale o le Eteleno ti mo koloa o le fale o le sau, ti na fakamomoli loa e ia latou ko se moliga ki le sau o Asilia.

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Lua tosi o Koloniko 16:2

Na too loa e Asa se siliva mo se aulo mei koloa o le fale o le Eteleno mo le fale o le sau, ti na kakau loa e ia ni tagata avelogo kia Pene-Atate, sau o Silia, leia na nofo i Tamaso.

Lua tosi o Koloniko 24:17

I le oki o le mate o Seosata, na au loa le kau pule o Suta o punou i mua o le sau ko Soasi. Ti na fakalogo loa le sau kia latou.

Soele 3:5

Na kotou too laku siliva mo laku aulo ; Ti ko le nea leia na kau maua e mauiga kese mo fulumalie, Na kotou ave latou ki okoutou fale tapu.